25 பந்துகளில் 100.. ஒரே ஓவரில் ஆறு சிக்ஸ்.. கிறிஸ் கெயில் ரெக்கார்டை ஓரங்கட்டிய இளம் வீரர்!!

ஆறு சிக்ஸர்கள்

ஐந்தாவது ஓவரில் சிக்ஸ் அடிக்க முடிவு செய்த அவர், ஆறு பந்துகளையும் சிக்ஸ் அடித்து தெறிக்க விட்டார். அந்த ஓவரை வீசிய ஸ்டீபன் பாரி எப்படி பந்து வீசியும் பலனளிக்கவில்லை.

இமாலய இலக்கு

62 ரன்களில் இருந்து ஆறே பந்துகளில் 98 ரன்களை எட்டிய வில், அடுத்த இரண்டு பந்துகளில் சதம் அடித்தார். 25 பந்துகளில் சதம், ஒரே ஓவரில் ஆறு சிக்ஸர்கள் என வில் காட்டிய அதிரடியால் சர்ரே அணி 10 ஓவர்களில் 176 ரன்கள் குவித்தது.

எதிரணி பரிதாபம்

அடுத்து ஆடிய லங்காஷாயர் அணி முதல் இரண்டு ஓவர்களில் 16 ரன்கள், 18 ரன்கள் என இலக்கை நோக்கி பயணிக்க ஆரம்பித்தது. எனினும், தொடர்ந்து விக்கெட்கள் விழத் துவங்கியதால், 9.3 ஓவர்களில் 81 ரன்களுக்கு ஆல்-அவுட் ஆனது.

அதிவேக சதம்

அனைத்து வித கிரிக்கெட் போட்டிகளையும் கணக்கில் எடுத்துக் கொண்டால், கிறிஸ் கெயில் 2013 ஐபிஎல் தொடரில் 30 பந்துகளில் அடித்த சதம் தான் வேகமான சதம். அதை விட அதிவேகமாக 25 பந்துகளில் சதம் அடித்துள்ளார் வில் ஜாக்ஸ்.