4வது டெஸ்ட் போட்டி
இந்தியா மற்றும் இங்கிலாந்து இடையிலான 4வது டெஸ்ட் போட்டி அகமதாபாத்தின் நரேந்திர மோடி மைதானத்தில் துவங்கி நடைபெற்று வருகிறது. இந்த போட்டியில் டாஸ் வென்ற இங்கிலாந்து அணி பேட்டிங்கை தேர்வு செய்து விளையாடி வருகிறது.
அடுத்தடுத்து 3 விக்கெட்டுகள்
இந்நிலையில் இன்றைய போட்டியில் பேட்டிங்கை துவக்கிய இங்கிலாந்து அணி அக்சர் படேலில் அடுத்தடுத்த ஓவர்களில் துவக்க வீரர்கள் டாம் சிப்ளி மற்றும் ஷாக் க்ராலி விக்கெட்டுகளை இழந்தது. மேலும் கேப்டன் ஜோ ரூட்டும் சிராஜ் பௌலிங்கில் 5 ரன்களில் ஆட்டமிழந்து அதிர்ச்சியளித்துள்ளார்.
அஸ்வின் பௌலிங்கில் 11 முறை அவுட்
தற்போது ஜானி பேர்ஸ்டோ மற்றும் பென் ஸ்டோக்ஸ் விளையாடி வருகின்றனர். அஸ்வின் பௌலிங்கில் இதுவரை 11 முறை பென் ஸ்டோக்ஸ் அவுட்டாகியுள்ள நிலையில், இன்றைய போட்டியில் அவர் அஸ்வின் பந்துவீச்சை சிறப்பாக எதிர்கொள்வாரா என்ற கேள்வி எழுந்துள்ளது.
பார்ட்னர்ஷிப்பில் வீரர்கள்
பேர்ஸ்டோ மற்றும் ஸ்டோக்ஸ் இருவரும் நிதாமான ஆட்டத்தை தற்போது ஆடி வருகின்றனர். இருவரும் தலா 14 ரன்களை அடித்துள்ளனர். இருவரும் இணைந்து 20 ரன்கள் பார்ட்னர்ஷிப்பை எடுத்துள்ளனர். 16 ஓவர்களில் இங்கிலாந்து அணி 3 விக்கெட்டுகள் இழப்பிற்கு 50 ரன்களை எடுத்துள்ளது.