17 சிக்சர்கள்… 57 பந்துகளில் அதிரடி சதம்.. மரணடி மார்கன்…!! உலக கோப்பையில் புதிய சாதனை

தொடக்கமே ரன்கள்

விரைவாக இருவரும் ரன்கள் குவிக்க ஆரம்பித்தனர். 9 ஓவர்களில் 42 ரன்கள் சேர்த்தார்கள். வின்ஸ், 26 ரன்களில் டவ்லத் ஸத்ரான் பந்துவீச்சில் ஆட்டம் இழந்தார். பிறகு அற்புதமான கூட்டணியை அமைத்தனர் பெயர்ஸ்டோவும், ஜோ ரூட்டும்.

பெயர்ஸ்டோவ் 90

26வது ஓவரில் இந்த ஜோடி 100 ரன்களை எட்டியது. சதமடிப்பார் என பெரிதும் எதிர் பார்க்கப்பட்ட பெயர்ஸ்டோவ், நயிப் பந்தில் அவரிடமே கேட்ச் கொடுத்து 90 ரன்களில் ஆட்டமிழந்தார். கேப்டன் இயன் மார்கன், வந்தவுடன் அதிரடி ஆட்டத்தை வெளிப் படுத்தினார்.

சிக்சர் மழை பொழிந்த ரூட்

அவரது அதிரடியில் ஸ்கோர் ஜெட் வேகத்தில் உயர்ந்தது. தனக்கு முன்னால் பேட் செய்து கொண்டிருந்த ரூட்டின் ஸ்கோரை அழகாகவும், விரைவாகவும் கடந்து சென்றார். சிக்சர் மழை பொழிந்து ரசிகர்களை மகிழ்ச்சிப்படுத்தினார்.

மார்கன் அசத்தல்

36 பந்துகளில் அரை சதத்தை எட்டினார். 80 ரன்கள் அடித்தபோது அவர் 8 சிக்சர்களை அடித்திருந்தார்.ரஷித் கானின் 43வது ஓவரில் 3 அற்புத சிக்சர்களை அடித்து அசத்தினார் மார்கன்.

சிக்சர்களில் சாதனை

அவரது இந்த சிக்சர்கள் மூலம் 57 பந்துகளில் சதமடித்து சாதனை செய்தார். மொத்தம் 17 சிக்சர்களை அடித்து தள்ளினார். இதன் மூலம், உலக கோப்பை வரலாற்றில் 4வது அதிகவேக சதம் இது. சதத்தை எட்டியபோது அவர் 11 சிக்சர்களை வெளுத்திருந்தார். முடிவில், 50 ஓவர்களில் 397 ரன்களை குவித்தது இங்கிலாந்து.