சுவிங் கம், இனிப்பு.. இதெல்லாம் சாப்பிடலாமா? கூடாதா?.. தெளிவா சொல்லுங்க.. டு ப்ளேசிஸ் கேள்வி!

எதெல்லாம் தப்புப்பா

அதிக தண்டனை என்ற செய்தியை வரவேற்றுள்ள டு ப்ளேசிஸ், அதே சமயம், எந்த செயல்கள் எல்லாம் பந்தை சேதப்படுத்த முயன்றதாக எடுத்துக் கொள்ளப்படும்? என்ற கேள்வியை முன் வைத்துள்ளார். அவர் எழுப்பும் சந்தேகங்கள் இதுதான்.

மின்ட் சாப்பிடலாமா

"ஐசிசி தன் விதிகளை கடுமையாக்கி உள்ளது. ஆனால், எந்த செயல்கள் செய்யலாம், எந்த செயல்கள் செய்யக்கூடாது என்பது பற்றி அவர்கள் எதுவும் கூறவில்லை. சுவிங் கம் ஏற்றுக்கொள்ளப்படுமா? இல்லையா? மின்ட் சாப்பிடலாமா?

துப்பி பளபளபாக்கலாமா

ஹஷிம் அம்லா, தான் நீண்ட நேரம் களத்தில் நிற்கும் போது இனிப்புகளை வாயில் வைத்துகொள்வார். இதில் எந்த தவறும் இல்லை என்று நினைக்கிறேன். நீங்கள் வாயில் எதையாவது வைத்துகொண்டு, பந்தை எச்சில் வைத்து பளபளப்பாக்கினால் (Shining the ball), அதில் எந்த தவறும் இல்லை. இது எனது கருத்து" என்று கூறியுள்ளார்.

தினேஷ் சண்டிமால்

சமீபத்தில், இதே போல எச்சில் வைத்து துடைத்து பந்தை சேதப்படுத்தியதாக குற்றம் சாட்டப்பட்டு, ஒரு டெஸ்ட் போட்டி ஆட தடை பெற்றார், இலங்கையின் தினேஷ் சண்டிமால். அவரும், டு ப்ளேசிஸ் உடைய கருத்தை ஏற்று, இந்த பந்து சேதம் குறித்த விதிகளில் அதிக விளக்கம் தேவை என கூறியுள்ளார்.

அவர் கூறும்போது, இனிப்புகள் டெஸ்ட் போட்டிகளில் நீண்ட நேரம் ஆடும்போது ரத்தத்தில் இனிப்பின் அளவை சரியான அளவில் வைத்துக் கொள்ள உதவும். அதனால், அதைப் பற்றிய விதிகளை தெளிவாக்கும் படி கேட்டுக் கொண்டுள்ளார்.

என்னடா இது ஐசிசிக்கு வந்த சோதனை? "பந்து சேதப்படுத்துதல் என்றால் என்ன?" அப்படின்னு ஒரு புக் எழுதி வெளியிட்டாதான் பிரச்சினை தீரும் போலவே!