30 கோடி பேர் 'கண்காணிப்பில் ' நாளை இந்தியா-பாகிஸ்தான் மோதல்! நாடெங்கும் கிரிக்கெட் ஜுரம்!!

வலுவான பேட்டிங் அவசியம்

இந்தியாவிடமுள்ள, பலவீனமான பந்துவீச்சை ஈடுசெய்ய பேட்டிங் வரிசை சிறப்பாக இருக்க வேண்டியது அவசியமாகிறது. பாகிஸ்தானை வீழ்த்தினால் இந்திய அணிக்கு இந்த உலக கோப்பையில் அது மிகப்பெரிய மன தைரியத்தை தரும் என்கின்றனர் கிரிக்கெட் வல்லுநர்கள்.

வரலாறு கிடையாது

இதுவரை பாகிஸ்தானிடம் இந்திய அணி உலக கோப்பை போட்டிகளின்போது தோற்ற வரலாறு கிடையாது. எனவே, பாகிஸ்தான் அணி இந்த முறையாவது உலககோப்பையில் இந்தியாவை வீழ்த்தி பதிலடி கொடுக்க வேண்டும் என்ற ஆர்வத்தில் உள்ளது. 2 பயிற்சி ஆட்டத்திலும் வென்றதால் (வங்காளதேசம், இங்கிலாந்து) அந்த அணிகள் நம்பிக்கையுடன் உள்ளது.

பாகிஸ்தான் வலுவாக உள்ளது

கேப்டன் மிஸ்பா-உல்-ஹக் பேட்டிங்கில் நல்ல நிலைக்கு திரும்பி உள்ளார். ஷேசாத், யூனுஸ்கான், ஆல்ரவுண்டர் அப்ரிடி, கமரன் அக்மல், சோகைல், வகாப் ரியாஸ், முகமது இர்பான் போன்ற சிறந்த வீரர்கள் அந்த அணியில் உள்ளனர்.

30 கோடி ரசிகர்கள்

இந்திய நேரப்படி காலை 9 மணிக்கு தொடங்கும் இந்த ஆட்டம் ஸ்டார் கிரிக்கெட் மற்றும் தூர்தர்ஷனில் நேரடியாக ஒளிபரப்பு செய்யப்படுகிறது. இந்த போட்டியை 30 கோடி பேர் தொலைக்காட்சிகளில் பார்க்க வாய்ப்புள்ளதாக ஸ்டார் ஸ்போர்ட்ஸ் இந்தியாவுக்கான தலைமை செயல் அலுவலர் சஞ்சய் குப்தா தெரிவித்துள்ளார். இந்தியா-இலங்கை நடுவேயான கடந்த உலக கோப்பை இறுதி போட்டியை 40 கோடி பேர் தொலைக்காட்சியில் பார்த்த நிலையில், அந்த சாதனை முறியடிக்கப்படவும் வாய்ப்புள்ளதாம்.

இந்திய அணி விவரம்

டோணி (கேப்டன்), ரோஹித் ஷர்மா, தவான், விராட் கோஹ்லி, ரெய்னா, ரகானே, ஜடேஜா, அஸ்வின், மோகித் ஷர்மா, முகமது ஷமி, உமேஷ் யாதவ், அம்பட்டி ராயுடு, ஸ்டூவர்ட் பின்னி, புவனேஸ்வர்குமார், அக்‌ஷர் பட்டேல்.

பாகிஸ்தான் அணி விவரம்

மிஸ்பா-உல்-ஹக் (கேப்டன்), ஷேசாத், ஜாம்ஷெட், யூனுஸ்கான், ஹாரிஸ் சோகைல், உமர் அக்மல், சோயிப் மசூத், அப்ரிடி, வகாப் ரியாஸ், முகமது இர்பான், யாசிர் ஷா, ஆதில், சோகைல் கான், சர்பிராஸ் அகமது, ரகத் அலி.