ரோஜர் வழியில் ஸ்டூவர்ட்... இந்தியாவுக்காக ஆடிய அப்பா, மகன்கள்...!

By Sutha

Published: Tuesday, January 28, 2014, 15:12 [IST]

ஹாமில்டன்: ஆல் ரவுண்டர் ஸ்டூவர்ட் பின்னி, இந்திய அணியில் அறிமுகமாகியுள்ளார். நியூசிலாந்துக்கு எதிரான 4வது ஒரு நாள் போட்டியில் அவர் ஆடியதன் மூலம் நாட்டுக்காக ஆடிய தந்தை -மகன் வரிசையில் பின்னியும் இணைந்துள்ளார்.

இந்தியாவின் முன்னணி ஆட்டக்காரராக திகழ்ந்தவரான ரோஜர் பின்னியின் மகன்தான் ஸ்டூவர்ட் பின்னி.

ஐபிஎல் போட்டிகளில் சிறப்பாக விளையாடி அனைவரின் கவனத்தையும் கவர்ந்தவரான ஸ்டூவர்ட் அதன் மூலம் தற்போது இந்திய அணியிலும் இடம் பிடித்துள்ளார்.

3வது தந்தை - மகன்

இந்தியாவுக்காக ஆடிய மூன்றாவது தந்தை - மகன் ஜோடி என்ற பெயர் ரோஜர் பின்னிக்கும், ஸ்டூவர்ட் பின்னிக்கும் கிடைத்துள்ளது.

யோகராஜ் - யுவராஜ் சிங்

இதற்கு முன்பு யோகராஜ் - யுவராஜ் சிங் ஆகியோர் இந்திய அணிக்காக விளையாடியுள்ளனர்.

சுனில் கவாஸ்கர் - ரோஹன் கவாஸ்கர்

அதேபோல சுனில் கவாஸ்கரும், ரோஹன் கவாஸ்கரும் இந்திய அணியில் இடம் பெற்று ஆடியுள்ளனர்.

3வது ஜோடியாக ரோஜர் -ஸ்டூவர்ட்

இந்த வரிசையில் தற்போது ரோஜர் பின்னியும், ஸ்டூவர்ட் பின்னியும் இணைந்துள்ளனர்.

ரஞ்சியிலும் கலக்கியவர்

29 வயதான ஸ்டூவர்ட் பின்னி ரஞ்சிப் போட்டியிலும் இந்த முறை சிறப்பாக செயல்பட்டிருந்தார். கூடவே ஐபிஎல் போட்டிகளிலும் அவர் சிறப்பாக விளையாடவே இந்திய அணியில் இடம் கிடைத்தது. ஐபிஎல்லில் ராஜஸ்தான் ராயல்ஸுக்காக அவர் ஆடினார். ரஞ்சியில் கர்நாடகத்திற்காக ஆடினார்.