சொந்த சாதனையை முறியடிக்க பெடரர் தயார்!

29 பைனலில் 19 பட்டம்

இதுவரை 19 கிராண்ட் ஸ்லாம் பட்டங்களை ரோஜர் பெடரர் வென்றுள்ளார். இதுவரை, 51 முறை கிராண்ட் ஸ்லாம் காலிறுதிக்கு நுழைந்துள்ள அவர், 41 முறை அரை இறுதிக்கு முன்னேறியுள்ளார். அதில், 29 முறை பைனலுக்கு முன்னேறியுள்ளார்.

2017ல் 7 பட்டங்கள்

கடந்தாண்டு 8வது முறையாக விம்பிள்டன், ஆஸ்திரேலிய ஓபன், இண்டியானா வெல்ஸ் மாஸ்டர்ஸ், மியாமி ஓபன், ஹாலோ ஓபன், ஷாங்காய் மாஸ்டர்ஸ், சுவிஸ் இண்டோர்ஸ் என ஏழு பட்டங்களை பெடரர் வென்றார்.

சொந்த சாதனையை முறியடிப்பவர்

வயதாகி விட்டது என்று விமர்சனம் செய்யப்பட்ட நிலையில், 19 கிராண்ட் ஸ்லாம் பட்டங்களை வென்று அதிக பட்டம் வென்றவர் என்ற தன்னுடைய சாதனையை தொடர்ந்து முறியடித்து வருகிறார். ஸ்பெயினின் ரபேல் நடால், 16 பட்டங்களைப் பெற்றுள்ளார்.

சாதனை படைக்க வாய்ப்பு

கிராண்ட் ஸ்லாம் போட்டிகளில், மார்க்கரெட் கோர்ட், 24, செரீனா வில்லியம்ஸ், 23, ஸ்டெபி கிராப், 22 ஆகியோர் அதிக பட்டங்களை வென்றவர்கள். இதுவரை எந்த ஆண் வீரரும், 20 பட்டங்களை வென்றதில்லை. அந்த சாதனையை, ஆஸ்திரேலிய ஓபனில் புரிவதற்கு, பெடரருக்கு வாய்ப்பு கிடைத்துள்ளது.