என்ன 'தாதா' இது கூட தெரியாதா?.. செல்பி எடுக்க தெரியாமல் திணறிய கங்குலி! -வீடியோ

கங்குலி குடும்பம்

கங்குலி தன் குடும்பத்துடன் நேற்று நேரம் செலவிட்டார். வீட்டில் இருக்கும் சரஸ்வதிக்கு பூஜை செய்து வணங்கினார். இதற்கு அவரது நெருங்கிய உறவினர்கள் பலர் வந்து இருந்தனர்.

பிரச்சனை

இந்த விழாவில் கங்குலி தனது குடும்பத்துடன் செல்பி எடுக்க சென்று இருக்கிறார். ஆனால் செல்பி எடுக்க தெரியாமல் கஷ்டப்பட்டு இருக்கிறார். தன் மகளுடன் தனியாக எடுத்த போதும் இப்படி செல்பி எடுக்க தெரியாமல் முழித்து இருக்கிறார்.

கற்றுக் கொண்டார்

அதன்பின் கங்குலி மகள் சானா அவருக்கு செல்பி எப்படி எடுக்க வேண்டும் என்று கற்றுக் கொடுத்தார். இது தற்போது வீடியோவாக வெளியாகி இருக்கிறது. இந்த அழகான வீடியோ தற்போது இணையம் முழுக்க வைரல் ஆகி இருக்கிறது.

சானா யார்

சானா கங்குலி இப்போதே மிகவும் வைரல் ஆனவர். இன்ஸ்டாகிராமில் இவருக்கு பல விசிறிகள் இருக்கிறார்கள். அதேபோல் இவர் நடனம், பாடல் இரண்டிலும் கலக்க கூடியவர். கடந்த நவம்பரில் வந்த இவரது பிறந்த நாளுக்கு நிறைய பேர் வாழ்த்து தெரிவித்து இருந்தார்கள்.