31 வயது வீரருக்கு கம்பீர் அறிவுரை.. விக்கெட் வீழ்த்தியே ஆக வேண்டும் என்ற நினைப்பை தூக்கி போடுங்க

கொழும்பு: இலங்கைகக்கு எதிரான முதல் டெஸ்ட் போட்டியில், இந்திய சுழற்பந்து வீச்சாளரான குல்தீப் யாதவ் எதிர்பார்த்த அளவுக்கு விக்கெட்டுகளை வீழ்த்தாத நிலையிலும், இந்திய அணியின் தலைமை பயிற்சியாளர் கௌதம் கம்பீர் அவருக்கு ஆதரவாகப் பேசியுள்ளார். இப்போட்டியில் குல்தீப் இரண்டு இன்னிங்ஸ்களையும் சேர்த்து மொத்தம் 25 ஓவர்கள் வீசி ஒரே ஒரு விக்கெட்டை மட்டுமே கைப்பற்றினார்.

அவர் தனது வழக்கமான துல்லியத்தையும் கட்டுப்பாட்டையும் கண்டறிய தடுமாறிய நிலையில், மானவ் சுதர் மற்றும் ரவீந்திர ஜடேஜா ஆகியோர் இலங்கை பேட்டிங் வரிசையை சிதைப்பதில் முக்கிய பங்கு வகித்தனர்.

ஆனால், ஞாயிற்றுக்கிழமை கொழும்பில் தொடங்கவிருக்கும் இரண்டாவது மற்றும் இறுதி டெஸ்ட் போட்டிக்கு முன்னதாக, குல்தீப் யாதவிற்குக் கம்பீர் ஒரு அறிவுரை வழங்கியுள்ளார். இது குறித்து பேசிய அவர், "உங்களது சிறந்த பந்துவீச்சை வெளிப்படுத்துங்கள், விக்கெட்டுகளுக்காக அவசரப்படாதீர்கள்," என்று கம்பீர் கூறியுள்ளார்.

IND vs SL: 2வது டெஸ்டிலும் இலங்கை தடுமாறும்,. இந்தியா எளிதில் வெல்லும்- ஸ்ரீகாந்த்

காலே சர்வதேச மைதானத்தில் நடைபெற்ற முதல் டெஸ்ட் போட்டியில் ஸ்ரீலங்காவிற்கு எதிராக 165 ரன்கள் வித்தியாசத்தில் அபார வெற்றி பெற்றதன் மூலம், உலக டெஸ்ட் சாம்பியன்ஷிப் தொடரில் இந்தியா மீண்டும் வெற்றிப் பாதைக்கு திரும்பியுள்ளது.

அந்த வெற்றியைத் தொடர்ந்து, நான்கு நாட்களுக்குப் பிறகு கொழும்பில் நடைபெறவுள்ள இரண்டாவது மற்றும் இறுதி டெஸ்ட் போட்டியில் இந்திய அணி களம் காண உள்ளது. காலேயில் இந்திய அணி வெளிப்படுத்திய ஒட்டுமொத்த ஆட்டம் திருப்திகரமாக இருந்தாலும், குல்தீப்பின் பந்துவீச்சு ஃபார்ம் இன்னும் விவாதத்திற்குரிய ஒன்றாகவே உள்ளது.

கொழும்பு டெஸ்ட் போட்டியில் இந்திய அணி தனது முந்தைய வெற்றி கூட்டணியுடன் களமிறங்குமா என்பதை கம்பீர் முழுமையாக வெளிப்படுத்தவில்லை. இருப்பினும், எதிரணியின் 20 விக்கெட்டுகளையும் வீழ்த்தக்கூடிய திறன் கொண்ட பந்துவீச்சாளர்களை களமிறக்குவதற்கே அணி முன்னுரிமை அளிக்கும் என்பதை அவர் தெளிவுபடுத்தினார்.

இதுகுறித்து பேசிய கம்பீர் "எதிரணியின் 20 விக்கெட்டுகளையும் கைப்பற்றக்கூடிய ஒரு சிறந்த பந்துவீச்சு கூட்டணியைக் களமிறக்கவே நாங்கள் முயற்சிப்போம். ஒரு குறிப்பிட்ட சூழ்நிலையில் என்ன செய்ய வேண்டும் என்று கேப்டன் நினைக்கிறாரோ, அதைப் பொறுத்து எடுக்கப்படும் முடிவு தான் இது," என்று கம்பீர் விளக்கமளித்தார்.

மானவ் சுதர் மற்றும் ரவீந்திர ஜடேஜா சிறப்பாக பந்துவீசியதால், குல்தீப் தனது வாய்ப்பிற்காக காத்திருக்க வேண்டியிருந்தது. பின்னர் பந்துவீச அவருக்கு வாய்ப்பு கிடைத்தபோது, தனது வழக்கமான லைன் மற்றும் லென்த்தை கண்டறிய அவர் தடுமாறினார்.

Also Read

IND vs SL: சதம் அடித்தாலும் இடம் உறுதி கிடையாது.. படிக்கல்லுக்கு ரஹானே தந்த வார்னிங்

இருப்பினும், குல்தீப்பின் அனுபவம் மற்றும் தரம் காரணமாக இந்திய அணி அவருக்கே மீண்டும் வாய்ப்பளிக்கலாம். அவருக்கு மற்றொரு வாய்ப்பு வழங்குவதா அல்லது இந்தூரைச் சேர்ந்த ஆஃப் ஸ்பின்னர் சரண்ஷ் ஜெயின் போன்ற ஒருவரை அணிக்குள் கொண்டு வருவதா என்பதை அணி நிர்வாகம் இப்போது முடிவு செய்ய வேண்டும்.