அப்ரிடி ஒரு மெண்டல்..! பைத்தியகார டாக்டருக்கிட்ட அவரை கூட்டிட்டு போறேன்… கம்பீர் பதிலடி!

பெரிய ஆள் என்று நினைப்பு

அவர் மனதில் டான் பிராட்மேன், ஜேம்ஸ்பாண்ட் போல திமிராக நடந்து கொள்வார் என்று அப்ரிடி கூறியுள்ளார். அவர் மேலும் குறிப்பிட்டிருந்தாவது: கம்பீர் நல்ல பெர்சனாலிட்டி இல்லை. கிரிக்கெட்டில் பெரிய ரெக்கார்டும் வைத்திருக்கவில்லை; ஆனால் அணுகுமுறை மட்டும் ஆக்ரோஷமாக இருக்கும். தன்னை பெரிய ஆளாக நினைத்துக்கொண்டு அப்படித்தான் நடந்துகொள்வார்.

கலந்த கலவை

2007ம் ஆண்டு ஆசிய கோப்பை போட்டியில் வேண்டுமென்றே என் மீது மோதினார். அப்போது இருவருமே மாறி, மாறி திட்டிக்கொண்டோம். கம்பீருக்கு பிராட் மேனும் ஜேம்ஸ் பாண்டும் கலந்த கலவை என்ற நினைப்பு உள்ளது. எனக்கு நேர்மறையான நபர்களை பிடிக்கும்.

கம்பீர் ஒரு சிடுமூஞ்சி

ஆக்ரோஷமாகவோ போட்டி மனப்பான்மையுடனோ இருப்பதில் எப்போதுமே தவறில்லை. ஆனால் நேர்மறையான நபராக இருக்க வேண்டும். காம்பீர் அப்படிப் பட்டவர் அல்ல. காம்பீர் ஒரு சிடுமூஞ்சி என்று விளாசி தள்ளியிருந்தார். வயது சர்ச்சையுடன், இந்த வசைபாடிய சர்ச்சையும் பெரும் பிரச்னையாக உருவெடுத்து விட்டது.

கம்பீர் பதிலடி

இதற்கு ட்விட்டரில் கம்பீர் அதிரடியாக பதிலளித்துள்ளார். அவர் கூறியிருப்பதாவது:அப்டிரி, நீங்கள் ஒரு கோமாளி. நாங்கள் இன்னும் பாகிஸ்தானியர்களுக்கு மருத்துவ சுற்றுலா விசாக்களை வழங்குகிறோம். நான் உங்களை மனநல மருத்துவரிடம் அழைத்துச்செல்கிறேன் என்று பதிலடி கொடுத்துள்ளார்.