மரியாதை
இந்த நிலையில், உங்களுக்கு அப்படி என்ன தோனி மீது கடுப்பு என்று செய்தியாளர் ஒருவர் கம்பீரிடம் கேள்வி எழுப்பினார். இதற்கு பதில் அளித்துள்ள இந்த கேள்வியே ஒரு குப்பை என்று காட்டமாக பதில் அளித்தார். நானும் தோனியும் எவ்வளவு நெருங்கிய நண்பர்கள் என்று எங்களுக்கு தான் தெரியும். தோனி ரொம்ப நல்லவர். அவர் மீது நிறைய மரியாதை வைத்துள்ளேன்.
சுத்தமாக பிடிக்காது
களத்தில் தோனியும், நானும் எதிர் எதிர் அணிகளுக்கு விளையாடும் போது கடுமையாக போட்டி போட்டு கொள்வோம். எங்களுக்குள் எவ்வித பிளவும் கிடையாது. அவருக்கு ஏதாவது ஒரு தேவை என்றால் முதல் ஆளாக நான் தான் நிற்பேன். தோனிக்கு புகழ்ந்து பேசுவது சுத்தமாக பிடிக்காது. அது எனக்கு நன்றாகு தெரியும்.
இருவேறு பார்வைகள்
எனக்கும், தோனிக்கும் கிரிக்கெட்டின் மீது சில வேறுமாதிரியான பார்வைகள் இருந்தன. அதாவது நான் ஒரு மாதிரியாக கிரிக்கெட்டை எதிர்கொள்வேன். தோனி வேறு மாதிரி அணுகுவார். இதில் இரண்டிலும் கொஞ்சம் கூட தவறு இல்லை. தோனி தனிப்பட்ட முறையில் எனக்கும், இந்திய கிரிக்கெட்டுக்கும் பல நன்மைகளை செய்துள்ளார்.
சாதனைகள் படைத்திருப்பார்
தோனி பேட்டிங்கில் கீழ்வரிசையில் இறங்கிவிட்டார். அவர் மட்டும் பேட்டிங் வரிசையில் 3வது வீரராக களமிறங்கி இருந்தால் இன்னும் பல்வேறு உலக சாதனைகளை படைத்திருப்பார். நான் 130 கோடி மக்கள் முன்பு சொல்கிறேன், தோனிக்கும், எனக்கும் எவ்வித பகையும் கிடையாது. நாங்கள் நல்ல நண்பர்கள் தான்.