"ஒரு நியாயம் வேணும் இந்திய பவுலர்கள் வாழ்க்கையும் இதில் இருக்கு".. தோல்விக்குப் பின் கம்பீர் பேச்சு

ராஞ்சி: வெஸ்ட் இண்டீஸ் அணிக்கு எதிரான 2-வது டி20 போட்டியில் 249 ரன்கள் குவித்தும் இந்திய அணி தோல்வியடைந்த நிலையில், இந்திய தலைமை பயிற்சியாளர் கவுதம் கம்பீர் ஆவேசமாகப் பேசியுள்ளார். ராஞ்சியில் நடைபெற்ற இப்போட்டியில் சஞ்சு சாம்சன் 82 ரன்கள் மற்றும் திலக் வர்மா 44 ரன்கள் எடுத்து அதிரடி ஆட்டம் ஆடினர். இதை அடுத்து இந்தியா 20 ஓவர்களில் 249 ரன்கள் குவித்தது.

ஆனால் கடுமையான பனிப்பொழிவால் பந்து வழுக்கியதால் இந்திய பந்துவீச்சாளர்கள் ரன்களைக் கட்டுப்படுத்த முடியாமல் திணறினர். வெஸ்ட் இண்டீஸ் கேப்டன் ஷாய் ஹோப் 45 பந்துகளில் 102 ரன்கள் விளாச, அந்த அணி 18.3 ஓவர்களிலேயே 252 ரன்கள் எடுத்து 6 விக்கெட் வித்தியாசத்தில் வரலாற்று வெற்றி பெற்றது.

இந்தத் தோல்விக்குப் பிறகு செய்தியாளர்களிடம் பேசிய இந்திய அணி தலைமை பயிற்சியாளர் கவுதம் கம்பீர், "பேட்டிங்கிற்கும் பந்துவீச்சிற்கும் இடையே நியாயமான போட்டி இருக்க வேண்டும் என்பதை யார் தான் விரும்ப மாட்டார்கள்? மைதானத்தில் சிக்சர்களும் பவுண்டரிகளும் மட்டுமே பறக்க வேண்டும் என்றால், பந்துவீச்சாளர்களின் நிலை என்னாவது? அவர்களும் நமது நாட்டு வீரர்கள் தான், வெளிநாட்டு வீரர்கள் அல்ல. அவர்களின் கிரிக்கெட் வாழ்க்கையும் இதில் அடங்கியுள்ளது. கடினமாக உழைத்தே அவர்கள் இந்த இந்திய அணிக்குள் நுழைந்துள்ளனர்.

இந்தியாவுக்கு எதிராக உலகிலேயே ஒரே ஒரு வீரர் மட்டும் செய்த சாதனை.. 2-ஆவதாக செய்து காட்டிய ஷாய் ஹோப்

ஆடுகளம் முழுக்க பேட்டிங்கிற்கு மட்டுமே சாதகமாக இருந்து, இரவில் பனியும் பெய்தால் பந்து வழுக்குகிறது. இதுபோன்ற சூழலில் பந்துவீசுவது மிகக் கடினம். ஆனால் 250 ரன்களை அடிக்க முடிந்த நம்மால் அதைக் காப்பாற்ற முடியவில்லை என்ற குற்றச்சாட்டை ஏற்றுக்கொண்டாக வேண்டும். முதல் ஓவரிலேயே 5 ரன்களுக்கு 2 விக்கெட்டுகளை இழந்த போதும் வெஸ்ட் இண்டீஸ் வீரர்கள் அபாரமாக ஆடினர். டாஸ் தோற்றாலும் இதுபோன்ற சவாலான சூழல்களில் எதிரணியை எப்படி கட்டுப்படுத்துவது என்பதை நாம் கற்றுக் கொள்ள வேண்டும்" என்று கம்பீர் வெளிப்படையாக கூறினார்.

Also Read

சிஎஸ்கே அணியில் இருந்து பேட்டிங் பயிற்சியாளர் மைக் ஹஸ்ஸி நீக்கப்பட்டதாக தகவல்.. என்ன நடந்தது?