விஜயகாந்த் சாங்.. ஜிம்மில் பிளே பண்ணச் சொல்லி.. அஷ்வினிடம் அடம் பிடித்த ஜடேஜா

தனி ரசிகர் கூட்டம்

கொரோனா காலம் தொடங்கியதில் இருந்தே, தனக்கென யூடியூப் சேனல் தொடங்கி, அதில் பல சுவாரஸ்ய நேர்காணல் எடுப்பது, இந்திய அணியுடனான தனது அனுபவத்தை பகிர்வது என்று சோஷியல் மீடியாவில் படு ஆக்டிவாக இருக்கிறார் அஷ்வின். அதிலும், அவரது நேர்காணலுக்கு என தனி ரசிகர் கூட்டமே இருக்கிறது.

தலைப்புச் செய்தி

கவுண்டமணி காமெடி டயலாக்ஸ்களையும், வடிவேலு மேனரிஸத்தை மிக்ஸ் செய்தும் அவர் எடுக்கும் இன்டர்வியூக்கள் பார்ப்பதற்கு ஃபிரெஷ்ஷாக இருக்கும். அவரது நேர்காணலில் கிடைக்கும் பல கண்டென்ட்டுகள், மறுநாள் தமிழ் பத்திரிகைகளில் விளையாட்டுப் பக்கங்களில் தலைப்புச் செய்தியாக வரும் அளவுக்கு முக்கியத்துவம் வாய்ந்த பல தகவல்கள் கிடைக்கும்.

எங்கள் வீட்டில் எல்லா நாளும்

அந்த வகையில், அஷ்வின் தனது யூடியூபில் ஜடேஜா குறித்து பேசுகையில், "நான் எப்போதும் ஜிம்முக்கு போகும் போது தமிழ் பாடல்கள் தான் போடுவேன். அப்போது ஜடேஜா என்னிடம், 'நான் ஒரு தமிழ் பாடலை ரொம்ப லைக் பண்றேன்' என்றார். அது என்ன பாடல்-னு கேட்டா, 'எங்கள் வீட்டில் எல்லா நாளும் கார்த்திகை' என்று வானத்தைப் போல படத்தில் இருந்து விஜயகாந்த் பாடல் ஓடிக்கிட்டு இருக்கு. அதுக்கப்புறம், அந்த படம் பற்றி எல்லா விஷயத்தையும் என்னிடம் கேட்டு அவர் தெரிஞ்சிக்கிட்டார்' என்று கூறியிருக்கிறார்.

ஜடேஜா ஆல் டைம் ஃபேவரைட்

அதுமட்டுமல்ல, சென்னை சூப்பர் கிங்ஸ் அணி, ஜடேஜாவுக்கு ஒவ்வொரு மொழியிலும் பிடித்த பாடல்களை பட்டியலிட்டது. அதிலும், 'எங்கள் வீட்டில் எல்லா நாளும்' பாடலே அவரது ஆல் டைம் ஃபேவரைட் லிஸ்டில் இடம் பெற்றிருந்தது குறிப்பிடத்தக்கது. அப்படிப் போடு அருவாள..