7வது ஐ.பி.எல். : டாப் 5 'சொதப்பல் மன்னர்கள்"

யுவராஜ்சிங்

ராயல் சேலஞ்சர்ஸ் பெங்களூர் அணிக்காக விளையாடும் யுவராஜ்சிங் ரூ14 கோடிக்கு ஏலத்தில் எடுக்கப்பட்டவர். இதுவரை 7 போட்டிகளில் விளையாடிய யுவி 141 ரன்களைத்தான் எடுத்திருக்கிறார். இதில் 1 அரை செஞ்சுரி, 1 டக் அவுட், 9 பவுண்டரிகள், 8 சிக்சர்கள் அடங்கும்.

கோரி ஆண்டர்சன்

மும்பை இந்தியன்ஸ் அணிக்காக விளையாடும் நியூசிலாந்தின் கோரி ஆண்டர்சன் ரூ4.5 கோடிக்கு ஏலத்தில் எடுக்கப்பட்டவர். மேற்கிந்திய தீவுகளுக்கு எதிரான போட்டியில் 36 பந்துகளில் சதமடித்து உலக சாதனை படைத்தவர் கோரி ஆண்டர்சன். ஆனால் தற்போதைய ஐ.பி.எல். போட்டிகளில் சோபிக்கவில்லை. இதுவரை 114 ரன்களைத்தான் எடுத்திருக்கிறார் கோரி. இதில் 10 பவுண்டரிகள், 4 சிக்சர்கள் அடங்கும்.

யூசுஃப் பதான்

ஒவ்வொரு ஐ.பி.எல். போட்டியிலும் யூசுஃப் பதான் சாதிப்பார்.. சாதிப்பார் என பெரும் எதிர்பார்ப்பை ஏற்படுத்துகிறவர். ஆனால் ஐ.பி.எல். போட்டிகளில் என்ன அலர்ஜியோ இவருக்கு.. கொல்கத்தா நைட் ரைடர்ஸ் அணிக்காக விளையாடும் யூசுஃப் பதான் 6 போட்டிகளில் விளையாடி மொத்தமே 59 ரன்களைத்தான் எடுத்திருக்கிறார். மோசமான ஆட்டத்தால் ஒரு போட்டியில் விளையாடாமல் ஒதுக்கியும் வைக்கப்பட்டார்.

கவுதம் காம்பீர்

கொல்கத்தா நைட் ரைடர்ஸ் அணியின் கேப்டன் கவுதம் காம்பீர் இம்முறை படு சொதப்பல். 8 போட்டிகளில் விளையாடி 175 ரன்களைத்தான் எடுத்திருக்கிறார். இதில் ஹாட்ரிக் டக் அடித்த வரலாற்று சாதனை வேற..

மைக் ஹஸ்சி

மும்பை இந்தியன்ஸ் அணியால் ரூ5 கோடிக்கு ஏலம் எடுக்கப்பட்டவர் மைக் ஹஸ்சி. சென்னை சூப்பர் கிங்ஸ் அணியில் 6 ஆண்டுகாலம் இடம்பெற்று அந்த அணியின் வெற்றிக்கான தூண்களில் ஒன்றாக இருந்தவர். இடப்பெயர்ச்சி கை கொடுக்கவில்லை போல.. 4 போட்டிகளில் விளையாடி மொத்தமே 30 ரன்களைத்தான் எட்டியிருக்கிறார் ஹஸ்சி.