ஹாட்ரிக் சாதனை.. இரானி கோப்பையில் புதிய வரலாறு படைத்த ஹனுமா விஹாரி..

இரானி கோப்பை போட்டி

இரானி கோப்பை போட்டி ரஞ்சி தொடரை வென்ற அணிக்கும், இதர இந்திய வீரர்கள் கொண்ட ரெஸ்ட் ஆப் இந்தியா அணிக்கும் இடையே நடைபெறும். அந்த வகையில், இந்த ஆண்டு ரஞ்சி தொடரைக் கைப்பற்றிய விதர்பா அணிக்கும், இதர இந்திய வீரர்கள் அணிக்கும் இடையே இரானி கோப்பை போட்டி நாக்பூரில் நடைபெற்று வருகிறது.

இரண்டு சதங்கள்

இதில் ரெஸ்ட் ஆப் இந்தியா அணி சார்பில் பங்கேற்றுள்ள ஹனுமா விஹாரி இரண்டு இன்னிங்க்ஸ்களிலும் 114 மற்றும் 180 என இரண்டு சதங்கள் அடித்தார். இதன் மூலம் இரண்டு முக்கிய சாதனைகளை செய்துள்ளார் ஹனுமா விஹாரி.

தவான் சாதனை

2011இல் தவான் இரானி கோப்பை போட்டியில் இரண்டு இன்னிங்க்ஸ்களிலும் சதம் அடித்து இருந்தார். அதற்கு பின்னர் தற்போது ஹனுமா விஹாரி இரண்டு இன்னிங்க்ஸ்களிலும் சதம் அடித்து அதே சாதனையை செய்துள்ளார்.

டெஸ்ட் அணியில் உறுதி

இது வரை எந்த வீரரும் இரானி கோப்பையில் இந்த சாதனையை செய்ததில்லை என்பது குறிப்பிடத்தக்கது. ஹனுமா விஹாரி இந்த சாதனை சதங்கள் மூலம் டெஸ்ட் அணியில் தன் இடத்தை மேலும் உறுதிப்படுத்திக் கொண்டுள்ளார்.