ஹர்பஜன் சிங்குக்கு "ஆண்" குழந்தை.. தம்பதிகள் கண்ணீர் - குடும்பத்துக்குனு வாரிசு வந்தாச்சு

அழகான ஆண் குழந்தை

ஹர்பஜனுக்கும் நடிகை கீதா பஸ்ராவுக்கும் கடந்த 2015ம் ஆண்டு திருமணம் நடைபெற்றது. அவர்களுக்கு 4 வயதில் ஹினாயா எனும் மகளும் உள்ளார். இந்நிலையில், கீதா மீண்டும் கர்ப்பம் தரிக்க, தற்போது இந்த தம்பதிக்கு அழகான ஆண் குழந்தை பிறந்திருக்கிறது.

குவியும் வாழ்த்து

இதையடுத்து, ஹர்பஜன் தனது ட்விட்டரில், தாயும் சேயும் நலம் என ட்வீட் செய்ய, கிரிக்கெட் வீரர்களும் ரசிகர்களும் அவருக்கு வாழ்த்து தெரிவித்த வண்ணம் உள்ளனர். இந்த ரசிகர்கள் பட்டாளத்தில், சென்னை ரசிகர்களின் வாழ்த்துக்கள் தான் மிக அதிகம்.

சிங் ஈஸ் கிங்

ஏனெனில், சென்னை சூப்பர் கிங்ஸ் அணிக்காக ஆடிய வரை, ஹர்பஜன் தமிழில் தான் ட்வீட் செய்து வந்தார். இதற்காகவே தனது தமிழ் ரசிகர் ஒருவரை நியமனம் செய்து, அவரை தமிழில் ட்வீட் செய்து ரசிகர்களுக்கு சர்பிரைஸ் கொடுப்பது சிங்கின் வழக்கம். அவரது இந்த செயல்பாட்டுக்கே அவரை ஏகப்பட்ட தமிழ ரசிகர்கள் நேசிக்கத் தொடங்கினர்.

வெப் சீரிஸ்

அப்படிப்பட்ட ஒருவருக்கு குழந்தை பிறந்திருக்கிறது என்றால், சும்மா இருப்பர்களா? ஹர்பஜன் ட்வீட் முழுவதும் தமிழ் ரசிகர்களின் வாழ்த்து மழை தான். அதுமட்டுமல்ல, தமிழில் அவர் இரண்டு படங்களில் நடித்துள்ளதும் குறிப்பிடத்தக்கது. தவிர, திருவள்ளுவரை மையப்படுத்திய ஒரு வெப் சீரிஸ் ஹர்பஜன் நடித்ததும் மறக்க முடியாதது.