வருங்கால கணவருக்கு பான்கேக் செய்து அசத்திய நடிகை... வைரல் வீடியோ வெளியீடு

ஹர்திக் பாண்டியா முடக்கம்

கடந்த 2019 செப்டம்பரில் சர்வதேச அளவிலான தனது இறுதிப்போட்டியில் விளையாடினார் இளம் வீரர் ஹர்திக் பாண்டியா. இதையடுத்து முதுகில் ஏற்பட்ட காயம் காரணமாக அறுவை சிகிச்சை மேற்கொண்டு ஓய்வில் இருந்தார். கடந்த தென்னாப்பிரிக்காவிற்கு எதிரான ஒருநாள் தொடரில் விளையாடவிருந்தார். ஆனால் கொரோனா வைரஸ் அவரது கேரியரில் புகுந்து விளையாடி விட்டது.

நிச்சயதார்த்த வீடியோ

சும்மாவே சமூக வலைதளங்களில் புகுந்து விளையாடுவார் ஹர்திக் பாண்டியா. கடந்த புத்தாண்டில், பாலிவுட் நடிகை நடாஷாவுடனான தன்னுடைய காதல் புரபோசலை வெளியிட்டு அதிர்ச்சி கிளப்பினார். பலருக்கும் இந்த செய்தி அதிர்ச்சியை அளித்தது. இந்நிலையில் தற்போது கொரோனா வைரஸ் காரணமாக இருவரும் தங்களை வீட்டிற்குள்ளேயே தனிமைப் படுத்திக் கொண்டுள்ளனர்.

வீடியோ வெளியிட்ட பாண்டியா

இந்நிலையில் ஊரடங்கு காரணமாக வீட்டில் முடங்கியுள்ள ஹர்திக் பாண்டியா தன்னுடைய குடும்பத்தினருடன் தொடர்ந்து வீடியோக்களை வெளியிட்டு வருகிறார். சமீபத்தில், தன்னுடைய அண்ணன், அவரது மனைவி, நடாஷா மற்றும் தான் அடங்கிய புகைப்படத்தையும் வெளியிட்டிருந்தார். பயிற்சிக்கு பிறகான அந்த புகைப்படம் வைரலானது. இந்நிலையில் தற்போது நடாஷா பான்கேக் செய்யும் வீடியோவை வெளியிட்டுள்ளார் பாண்டியா.

சாப்பிட தயாரான பாண்டியா

நடாஷாவும் பாண்டியாவும் ஒரே வீட்டில் இருக்கின்றனர். இந்நிலையில், நடாஷா பாண்டியாவிற்கு பான்கேக் செய்ய, அதை தன்னுடைய இன்ஸ்டாகிராமில் வீடியோவாக வெளியிட்ட ஹர்திக் பாண்டியா, அதை சாப்பிடவும் தயாரானார். அவரது பதிவில் பெருமிதம் தெரிந்ததை காண முடிந்தது.