மன்னன் நான் வந்தேன்னா ஊர் அலற.. ஃபெராரி சொகுசு காரில் பயிற்சிக்கு வந்த ஹர்திக் பாண்டியா

மும்பை: இந்திய கிரிக்கெட் அணியின் முன்னணி ஆல்-ரவுண்டர் ஹர்திக் பாண்டியா, பெங்களூருவில் உள்ள பிசிசிஐ-யின் நேஷனல் கிரிக்கெட் அகாடமிக்கு தனது அதிநவீன ஃபெராரி 12 சிலிண்ட்ரி காரில் வந்து இறங்கினார். தனது பயிற்சியை முடித்த பிறகு, ஹர்திக் தனது சொகுசு காரை வியந்து பார்ப்பதுடன், அதில் ஏறுவதற்கு முன்பு அதை தனது மொபைலில் புகைப்படம் எடுக்கிறார்.

கார்கள் மீது மிகுந்த ஆர்வம் கொண்ட ஹர்திக் பாண்டியா, இந்த ஆண்டின் தொடக்கத்தில் தனது கார் சேகரிப்பில் இந்த ஃபெராரி காரைச் சேர்த்தார். இந்தியாவில் இதன் மதிப்பு சுமார் ரூ.12 கோடி என்று கூறப்படுகிறது.

காயத்திலிருந்து குணமடைவதற்கான உடற்பயிற்சிகளை ஹர்திக் பாண்டியா தற்போது நேஷனல் கிரிக்கெட் அகாடமியில் மேற்கொண்டு வருகிறார். 32 வயதான அவர், 2026 ஐபிஎல் தொடருக்குப் பிறகு இடது தொடை மற்றும் கணுக்கால் காயங்கள் காரணமாக அணியில் இருந்து விலகியிருந்தார். 2026 ஐபிஎல் தொடரில் 10 இன்னிங்ஸ்களில் விளையாடிய அவர், 138.25 ஸ்ட்ரைக் ரேட்டில் 206 ரன்கள் குவித்தார்.

துலீப் கோப்பை 2026: தோனியை போல் டிஆர்எஸ் பயன்படுத்தி கெத்து காட்டிய வைபவ் சூர்யவன்ஷி

அத்துடன் 11.42 எகானமி ரேட்டில் 4 விக்கெட்டுகளையும் கைப்பற்றினார். முதுகு வலி காரணமாக கடைசி சில போட்டிகளிலும் அவர் விளையாடவில்லை. ஹர்திக் பாண்டியா தலைமையிலான மும்பை இந்தியன்ஸ் அணி பிளே-ஆஃப் சுற்றுக்கு தகுதி பெறத் தவறியது. ஐந்து முறை சாம்பியனான அந்த அணி, விளையாடிய 14 லீக் போட்டிகளில் 4 போட்டிகளில் மட்டுமே வெற்றி பெற்று புள்ளிப் பட்டியலில் 9-வது இடத்தைப் பிடித்தது.

2026 ஐபிஎல் தொடரின் போது, தனது ஃபெராரி காரை ஓட்டும்போது தான் அனுமன் பாடல் கேட்பதாக ஹர்திக் பாண்டியா வெளிப்படுத்தியிருந்தார். இந்த பக்திப் பாடல் தனக்கு நேர்மறை ஆற்றலை வழங்குவதாக அவர் குறிப்பிட்டிருந்தார். மும்பையில் நடைபெற்ற மும்பை இந்தியன்ஸ் அணியின் நிகழ்ச்சி ஒன்றில் இதுகுறித்து பேசிய அவர், "என்னால் ஒரு ஃபெராரி கார் வாங்க முடிந்திருந்தாலும், இன்னமும் அதில் நான் அனுமன் பாடல் தான் கேட்கிறேன் என்பது மிகவும் ஆச்சரியமானது."

"கடவுள் என் மீது எப்போதும் கருணை காட்டியுள்ளார். அனுமன் பாடல் தரும் நேர்மறை ஆற்றலை வேறு எந்தப் பாடலும் தர முடியாது என்பதை அனைவரும் ஒப்புக்கொள்வார்கள் என்று நான் நினைக்கிறேன். இதில் நான் மிகவும் தெளிவாக இருக்கிறேன்" என்று கூறியிருந்தார்.

Also Read

பாகிஸ்தான் பேட்டிங்கை வீழ்த்துவது எளிது.. கவுண்டி அணியை விட பலம் குறைவு.. இங்கி,வீரர் வாகன் கிண்டல்

இந்திய அணி 2027 ஒருநாள் உலகக் கோப்பையை நோக்கிப் பயணிக்கும் வேளையில், ஹர்திக் பாண்டியாவின் உடற்தகுதி மிக முக்கியமான ஒன்றாகப் பார்க்கப்படுகிறது. 2025 சாம்பியன்ஸ் டிராபி இறுதிப் போட்டியில் நியூசிலாந்திற்கு எதிரான இந்தியாவின் வெற்றிக்குப் பிறகு, அவர் இதுவரை எந்தவொரு ஒருநாள் போட்டியிலும் விளையாடவில்லை என்பது குறிப்பிடத்தக்கது.