பலே பாண்ட்யா.. கிரிக்கெட் ஆடுவதோடு காதலிலும் வீழ்ந்தார்!

காதல் பாண்ட்யா

இந்த நிலையில் தற்போது பாண்ட்யா காதலில் விழுந்துள்ளாராம். கொல்கத்தாவில் வசித்து வரும் லிசா சர்மா என்ற முன்னணி மாடல் அழகியைத்தான் பாண்ட்யா காதலித்து வருகிறாராம். லிசாவுக்கு ஜாம்ஷெட்பூர்தான் சொந்த ஊராம்.

மால்களில் ஜோடியாக

இருவரையும் கொல்கத்தாவில் உள்ள சில மால்களில் பலர் ஜோடியாக பார்த்துள்ளனராம். அதேபோல தாஜ் பெங்கால் ஹோட்டலில் இருவரும் சேர்ந்து டின்னர் சாப்பிட்டதை சிலர் பார்த்துள்ளனராம்.

அமைதி, அடக்கம்

பாண்ட்யா குறித்து லிசாவிடம் கேட்டால், ரொம்ப அமைதியானவர், பர்பெக்ட் மனிதர், அவருமையானவர், அடக்கமானவர் என்று பாராட்டுப் பத்திரம் வாசிக்கிறார் லிசா. அத்தோடு கூடவே பாரம்பரிய வழக்கப்படி, எனக்கு நல்ல நண்பர் என்று கூறி முடிக்கிறார் லிசா.

பிசி மாடல்

நாட்டின் பிரபலமான பேஷன் டிசைனர்களான மனீஷ் மல்ஹோத்ரா, சபயசாச்சி முகர்ஜி, வென்டெல் ராட்ரிக்ஸ், அனாமிகா கன்னா ஆகியோரின் படைப்புகளுக்கு பிசியான மாடலாக திகழ்ந்து வருபவர் லிசா.

வாயே திறக்காத பாண்ட்யா

இவர் ஆதித்யா சோப்ரா, ரன்வீர் சிங் ஆகியோரின் ரசிகையாம். தனது காதல் குறித்து வெளிப்படையாக சொல்லாமல் இருக்கிறார் லிசா. இவராவது பரவாயில்லை பாண்ட்யா வாயே திறப்பதில்லை.