ஹர்திக் பாண்டியா நிச்சயதார்த்தம்... வாழ்த்து மழையில் நனையவிட்ட பிரபலங்கள்

காதலி குறித்த அறிவிப்பு

ஹர்திக் பாண்டியா மற்றும் நடாஷா ஸ்டான்கோவிக் இருவரும் காதலித்து வருவதாக நீண்ட நாட்களாக கூறப்பட்டு வந்த நிலையில், புத்தாண்டு தினமான நேற்று தன்னுடைய காதலி குறித்து அறிவித்த ஹர்திக், அவருடன் நடுக்கடலில் நிச்சயதார்த்தமும் செய்து கொண்டுள்ளார்.

பாராட்டு மழையில் ஹர்திக்

புத்தாண்டை ஒட்டி நள்ளிரவு 12 மணிக்கு தன்னுடைய காதலி யார் என்பதை இன்ஸ்டாகிராம் பக்கத்தில் கூறிய ஹர்திக் தொடர்ந்து நிச்சயதார்த்த வீடியோவையும் பகிர்ந்தார். இதையடுத்து அவரது ரசிகர்கள், சக வீரர்கள் மற்றும் பாலிவுட் பிரபலங்கள் உள்ளிட்டவர்கள் அவருக்கு தொடர்ந்து வாழ்த்துக்களை தெரிவித்தனர்.

ஹர்திக்குக்கு வாழ்த்து

ஹர்திக் மற்றும் நடாஷா இருவர் மட்டுமே பங்கேற்ற தன்னுடைய நிச்சயதார்த்த வீடியோவை இன்ஸ்டாகிராம் பக்கத்தில் ஹர்திக் வெளியிட அனைவரும் மிகுந்த ஆச்சர்யத்தில் ஆழ்ந்தனர். இதை வெளிப்படியாக தன்னுடைய கமெண்ட்டில் கூறிய விராட் கோலி, அவர்கள் இருவருக்கும் வாழ்த்துக்களையும் தெரிவித்தார்.

சக வீரர்கள் வாழ்த்து

ஹர்திக் பாண்டியாவின் நிச்சயதார்த்தத்திற்கு முன்னாள் கேப்டன் தோனியின் மனைவி சாக்ஷி தோனி வாழ்த்து தெரிவித்துள்ளார். இதேபோல சக வீரர்கள் கே.எல்.ராகுல், யுஸ்வேந்திர சஹால், குல்தீப் யாதவ் மற்றும் இஷான் கிஷன் ஆகியோரும் தங்களது வாழ்த்துக்களை தெரிவித்தனர்.

டிவி நட்சத்திரங்களும் வாழ்த்து

இந்நிலையில் சுனில் ஷெட்டி, ஆதித்யா ஷெட்டி மற்றும் சோனல் சஹான் போன்ற பாலிவுட் நட்சத்திரங்களும் கரிஷ்மா கோடக், ஜெய் பனுசாலி, கரன் தாக்கர் போன்ற டிவி பிரபலங்களும் ஆல்-ரவுண்டர் ஹர்திக் மற்றும் செர்பிய நடிகை நடாஷாவிற்கு வாழ்த்துக்களை பகிர்ந்தனர்.