சிஎஸ்கே கிடையாது.. ஹர்திக் பாண்டியாவை வாங்க 3 முறை ஐபிஎல் சாம்பியன் தீவிரம்

மும்பை: ஐபிஎல் 2027 தொடருக்கு முன்னதாக, மும்பை இந்தியன்ஸ் (MI) அணியின் நட்சத்திர ஆல்-ரவுண்டர் ஹர்திக் பாண்டியாவை தங்கள் அணிக்கு மாற்றிக்கொள்ள (Trade) மூன்று முறை ஐபிஎல் சாம்பியனான கொல்கத்தா நைட் ரைடர்ஸ் (KKR) ஆர்வம் காட்டி வருவதாக செய்திகள் வெளியாகியுள்ளன. ராஜஸ்தான் ராயல்ஸ் அணியும் முன்னாள் இந்திய கேப்டனான பாண்டியாவை ஒப்பந்தம் செய்ய ஆர்வம் காட்டியபோதிலும், தற்போது அந்த பந்தயத்தில் அவர்கள் பின்தங்கியுள்ளனர்.

ஐபிஎல் 2026 தொடரில் ஐந்து முறை சாம்பியனான மும்பை இந்தியன்ஸ் அணி 9-வது இடத்தைப் பிடித்ததைத் தொடர்ந்து, அந்த அணியில் பாண்டியாவின் எதிர்காலம் கேள்விக்குறியாகியுள்ளது. குஜராத் டைட்டன்ஸ் அணியில் இருந்து மும்பை அணிக்கு திரும்பிய பிறகு, பாண்டியாவின் தலைமையில் மும்பை அணி தொடர்ந்து இரண்டாவது முறையாக பிளே-ஆஃப் சுற்றுக்கு தகுதி பெறத் தவறியுள்ளது.

கேகேஆர் அணி பேச்சுவார்த்தை

இந்த வர்த்தகம் தொடர்பாக இரு அணிகளும் பலமுறை பேச்சுவார்த்தை நடத்தியுள்ளதாக கிரிக்கெட் வட்டாரங்கள் தெரிவித்துள்ளன. பாண்டியா நைட் ரைடர்ஸ் அணியில் இணைந்தால், அஜிங்க்யா ரஹானேவிடம் இருந்து கேப்டன் பொறுப்பை அவர் ஏற்றுக்கொள்வார் என எதிர்பார்க்கப்படுகிறது. "அஜிங்க்யா ரஹானே எப்போதும் கேகேஆர் அணியின் தற்காலிக கேப்டனாகவே இருந்தார், மேலும் இந்த சீசனுக்குப் பிறகு அவர் அணியில் இருந்து விடுவிக்கப்படவே இருந்தார்"

"கடந்த சீசனின் இறுதியிலேயே கேகேஆர் நிர்வாகம் மும்பை இந்தியன்ஸ் உரிமையாளர்களை அணுகியது. ஆனால் அப்போது ரிலையன்ஸ் நிறுவனத்தின் வருடாந்திர பொதுக்கூட்டம் (AGM) நெருங்கிக்கொண்டிருந்ததால், ஐபிஎல் வர்த்தக பேச்சுவார்த்தைகளுக்கு முன்னுரிமை அளிக்கப்படவில்லை. இருப்பினும், தற்போது கேகேஆர் மீண்டும் மும்பை இந்தியன்ஸ் நிர்வாகத்தை அணுகி, சில சுற்று பேச்சுவார்த்தைகளை நடத்தியுள்ளது."

ஐபிஎல் கேப்டனாக பாண்டியாவின் சாதனை சிறப்பாக உள்ளது. அவர் கேப்டனாக செயல்பட்ட 61 போட்டிகளில் 36 போட்டிகளில் வெற்றியும், 25 போட்டிகளில் தோல்வியும் பெற்றுள்ளார். விறுவிறுப்பான ஆட்டத்தை வெளிப்படுத்தும் இந்த ஆல்-ரவுண்டர், 2022-ஆம் ஆண்டு தனது அறிமுக சீசனிலேயே குஜராத் அணியை சாம்பியன் பட்டத்திற்கு வழிநடத்தியதுடன், அடுத்த ஆண்டிலும் அந்த அணியை இறுதிப்போட்டி வரை அழைத்துச் சென்றார்.

ஹர்திக் பாண்டியா குறித்து மைக்கேல் வாகன்

இங்கிலாந்து அணியின் முன்னாள் கேப்டன் மைக்கேல் வாகன், பாண்டியா ஒரு புதிய ஐபிஎல் அணியில் இணைந்தால் சிறப்பாக செயல்பட முடியும் என்று கடந்த மாதம் கணித்திருந்தார். மேலும், கேகேஆர் ஆல்-ரவுண்டர் கேமரூன் கிரீனுடன் பாண்டியாவை நேரடியாக மாற்றிக்கொள்ளலாம் என்றும் அவர் யோசனை தெரிவித்திருந்தார்.

LSG அணியிலிருந்து விடைபெற்ற ரிஷப் பண்ட்.. 3 வார்த்தையில் பதில்.. 12 கோடி ஊதியத்தை குறைத்தது ஏன்?

"அவருக்குப் பதிலாக கேமரூன் கிரீனை மாற்றலாம். அவர் கேப்டனாக தொடர விரும்பினால், ஒரு புதிய அணியில் இணைவது நல்லது. அது கேகேஆர் அணியாக இருக்கலாம். கொல்கத்தா ஒரு புதிய கேப்டனைத் தேடிக்கொண்டிருக்கும். அதனால்தான் கிரீன்-ஹர்திக் இடமாற்றத்தை நான் குறிப்பிடுகிறேன்" என்று வாகன் கூறியிருந்தார்.

ரோகித், கோலி கிடையாது.. இந்த 34 வயது இந்திய வீரருக்கு தான் பந்துவீசுவது கடினம்- ஜோப்ரா ஆர்ச்சர்

கடந்த ஐபிஎல் 2026 சீசனில் பாண்டியா சுமாரான ஆட்டத்தையே வெளிப்படுத்தினார். விளையாடிய 10 போட்டிகளில் ஒரு அரைசதம் கூட அடிக்காமல் 206 ரன்கள் மட்டுமே எடுத்தார். பந்துவீச்சிலும் தடுமாறிய அவர், 11.43 எகானமி ரேட்டில் ரன்களை வாரி வழங்கி, வெறும் 4 விக்கெட்டுகளை மட்டுமே வீழ்த்தினார்.