கோலியை சாய்க்க தயாராக இருக்கும் ஆம்லா..!! உலக கோப்பை தொடரில் நிச்சயமாக நடக்குமா?

சாதனைக்காக காத்திருப்பு

தற்போது அந்த சாதனையை முறியடிக்க ஒருவர் காத்திருக்கிறார். அவர் தான் தென் ஆப்ரிக்க தொடக்க வீரர் ஆம்லா. அவர் இன்னும் 77 ரன்கள் அடித்தால் 8000 ரன்களை எட்டிவிடுவார். 172 இன்னிங்ஸ்களில் 7923 ரன்களை ஆம்லா அடித்துள்ளார்.

கை கொடுக்க வாய்ப்பு

கோலியின் சாதனையை முறியடிக்க உலக கோப்பை தொடர் ஆம்லாவுக்கு கை கொடுக்கும் என்று எதிர்பார்க்கப்படுகிறது. ஏதாவது ஒரு போட்டியிலோ அல்லது அதற்கு அடுத்த போட்டிகளிலோ இந்த ரன்களை அவர் எட்டக்கூடும் என்று தெரிகிறது.

பாதியில் வெளியேற்றம்

இங்கிலாந்துக்கு எதிரான முதல் போட்டியில் ஆம்லா, ஆர்ச்சரின் பவுன்ஸரில் ஹெல்மெட்டில் அடிவாங்கி பாதியில் ரிட்டயர்ட் ஹர்ட் ஆனார். வங்கதேசத்துக்கு எதிரான போட்டியில் ஆம்லா ஆடவில்லை. ஆனாலும் இன்னும் 2 இன்னிங்ஸ்களில் 77 ரன்கள் அடித்தால் கோலியின் சாதனையை முறியடித்து விடுவார். எனவே, அவருக்கு இன்னும் சாதனை நிகழ்த்த வாய்ப்புகள் இருக்கின்றன.

ரம்ஜான் நோன்பு

தற்போது ரம்ஜான் என்பதால், ஆம்லா சூரிய உதயத்தில் இருந்து சூரிய மறைவு வரை நோன்பு கடைபிடித்து வருகிறார். நோன்பு இருப்பது தனக்கு உடல் அளவிலும், மனதளவிலும் உதவுவதாக அவர் கூறியிருக்கிறார்.

பிடித்தமான பயிற்சி

இதுகுறித்து ஆம்லா தெரிவித்ததாவது: ரம்ஜான் மாதத்தில் நோன்பு கடை பிடிப்பது எனக்கு மிகவும் பிடிக்கும். இந்த நோன்பை நான் மனதிற்கு நல்ல பயிற்சியாக பார்க்கிறேன். உடல் அளவிலும் சிறப்படைய உதவுகிறது என்றார்.

ரசிகர்கள் ஆவல்

2012ம் ஆண்டு ரம்ஜான் நோன்பு கடைபிடித்த வேளையில், இங்கிலாந்துக்கு எதிராக ஓவல் மைதானத்தில் நடந்த டெஸ்டில், ஆம்லா, தென் ஆப்ரிக்க அணிக்காக 311 ரன்கள் எடுத்து ஆட்டமிழக்காமல் இருந்தார். எனவே, அவர் இந்த உலக கோப்பை தொடரில் நிச்சயம் பல சாதனைகளை படைப்பார் என்று எதிர்பார்க்கலாம்.