விராட் கோலி இதுவரை எத்தனை கோப்பைகளை வென்றுள்ளார்? ஆர்சிபி வெற்றியால் உயர்ந்த எண்ணிக்கை

பெங்களூரு: 2026 ஐபிஎல் இறுதிப்போட்டியில் குஜராத் டைட்டன்ஸ் அணியை 5 விக்கெட் வித்தியாசத்தில் வீழ்த்தி, ராயல் சேலஞ்சர்ஸ் பெங்களூரு அணி சாம்பியன் பட்டம் வென்றது. இந்த வரலாற்றுச் சிறப்புமிக்க வெற்றியின் மூலம், இந்திய கிரிக்கெட் அணியின் நட்சத்திர வீரர் விராட் கோலி தனது கிரிக்கெட் வாழ்க்கையில் மற்றொரு கோப்பையைத் தனது கணக்கில் சேர்த்துள்ளார்.

6 கோப்பைகள் வென்ற சாதனை

விராட் கோலி தனது சர்வதேச கிரிக்கெட் மற்றும் ஐபிஎல் வரலாற்றில் இதுவரை ஒரு கேப்டனாகக் கோப்பையை வென்றதில்லை. ஆனால், ஒரு வீரராக அவர் இதுவரை 6 முறை சாம்பியன் பட்டம் வென்ற அணிகளில் இடம் பெற்று சாதனை படைத்துள்ளார். இதில் 4 ஐசிசி கோப்பைகளும், 2 ஐபிஎல் கோப்பைகளும் அடங்கும். ரோஹித் சர்மாவுக்குப் பிறகு 4 ஐசிசி கோப்பைகளை வென்ற இரண்டாவது இந்திய வீரர் என்ற பெருமை விராட் கோலிக்கு மட்டுமே உண்டு.

வென்ற கோப்பைகளின் விவரம்:

விராட் கோலி தனது கிரிக்கெட் பயணத்தில் வென்ற 6 முக்கியக் கோப்பைகளின் பட்டியல் இதோ:

• 2011 ஒருநாள் உலகக்கோப்பை: தோனி தலைமையிலான இந்திய அணியில் இடம் பெற்று தனது முதல் உலகக்கோப்பையை வென்றார் கோலி.

• 2013 சாம்பியன்ஸ் டிராபி: தோனி தலைமையிலான இந்திய அணியில் மீண்டும் சாம்பியன்ஸ் டிராபி கோப்பையைக் கைப்பற்றினார்.

• 2024 டி20 உலகக்கோப்பை: ரோஹித் சர்மா தலைமையிலான அணியில் டி20 உலகக்கோப்பையை வென்று சாதனை படைத்தார் கோலி.

• 2025 சாம்பியன்ஸ் டிராபி: ரோஹித் சர்மா தலைமையில் மீண்டும் ஒருமுறை சாம்பியன்ஸ் டிராபி கோப்பையைத் தட்டிச் சென்றார்.

• 2025 ஐபிஎல் கோப்பை: 18 ஆண்டுகாலக் காத்திருப்புக்குப் பிறகு, கடந்த ஆண்டு ரஜத் படிதார் தலைமையிலான பெங்களூரு அணி முதன்முறையாகக் கோப்பையைக் கைப்பற்றியது.

• 2026 ஐபிஎல் கோப்பை: இந்த சீசனிலும் குஜராத் அணியை வீழ்த்தி பெங்களூரு அணி தொடர்ந்து இரண்டாவது முறையாகச் சாம்பியன் ஆனது.

RCB ஐபிஎல் கோப்பை வெற்றி ஊர்வலம் பற்றி வெளியான முக்கிய தகவல்.. அணி நிர்வாகம் வெளியிட்ட சூசக பதிவு

கோலியின் அடுத்த லட்சியம்

விராட் கோலி ஏற்கனவே சர்வதேச டி20 மற்றும் டெஸ்ட் கிரிக்கெட் போட்டிகளில் இருந்து ஓய்வு பெற்றுவிட்டார். தற்போது ஒருநாள் போட்டிகளில் மட்டுமே அவர் தீவிரமாக விளையாடி வருகிறார். கடந்த 2023-ம் ஆண்டு உலகக்கோப்பை இறுதிப்போட்டியில் ஆஸ்திரேலியாவிடம் ஏற்பட்ட தோல்விக்கு முற்றுப்புள்ளி வைக்கும் விதமாக, 2027-ம் ஆண்டு நடைபெறவுள்ள 50 ஓவர் உலகக்கோப்பைத் தொடரில் விளையாடி மற்றொரு ஐசிசி கோப்பையை வெல்ல வேண்டும் என்பதே கோலியின் தற்போதைய லட்சியமாக உள்ளது.

ராஜஸ்தான் ராயல்ஸ் அணியில் டைவர்ஸ் ஆன வீரர் வாட்ஸ்அப்பில் சில்மிஷம்.. நடிகை குற்றச்சாட்டு

தனது சர்வதேச கிரிக்கெட் வாழ்க்கையை முடிப்பதற்குள் மேலும் ஒரு உலகக்கோப்பையை வென்று சாதனை படைக்க விராட் கோலி தீவிரமாகத் தயாராகி வருகிறார்.