தமிழகத்தில் எனக்கு பிடிச்சதே 'ஜிகர்தண்டா'... ஆஸி. மாஜி கிரிக்கெட் வீரர் பிரெட்லீ 'கலகல'

ஹெலிகாப்டர் ஷாட்

பிரெட்லீயிடம் மாணவர்கள் ஏராளமான கேள்விகளை எழுப்பினர். இந்திய வீரர் டோணி குறித்து கூறுகையில், அவரது ஹெலிகாப்டர் ஷாட்டை நினைவு கூர்ந்தார்.

பும்ரா அபாரம்

மேலும் இந்திய அணியில் தற்போது பும்ராவின் பந்துவீச்சு அற்புதமாக இருக்கிறது; அவரது பவுலிங் ஸ்டைலே வித்தியாசமாக இருக்கிறது. துல்லியமாகவே பும்ரா பந்துவீசுகிறார் என்றும் பிரெட்லீ கூறினார்.

டெண்டுல்கர்

அதேபோல் இந்திய அணியில் கங்குலி, டோணி உள்ளிட்ட பலருக்கும் பந்துவீசியுள்ளேன். ஆனால் டெண்டுல்கருக்கு பந்துவீசியதுதான் எனக்கு மிகவும் சவாலானதாக இருந்தது எனவும் அவர் குறிப்பிட்டார்.

ஜிகர்தண்டா

அப்போது தமிழகத்தின் பிடித்தமான உணவு எது? என மாணவர் ஒருவர் கேள்வி கேட்டார். இதற்கு பதிலளித்த பிரெட்லீ, இங்கு கிடைக்கும் அனைத்து உணவு வகைகளும் பிடிக்கும். குறிப்பாக ஜிகர்தண்டா எனக்கு மிகவும் பிடித்திருக்கிறது என்றார்.