ஐசிசி டி20 தரவரிசை பட்டியல்.. வரலாற்றில் முதல் முறை கோலிக்கு சோகம்.. டாப் 10-ல் ராகுலுக்கு இடம்

ஸ்ரேயாஸ் ஐயர்

இலங்கைக்கு எதிரான டி20 தொடரில் ஆட்டமிழக்காமல் மொத்தம் 204 ரன்கள் அடித்த ஸ்ரேயாஸ் ஐயர், டி20 தரவரிசை பட்டியலில் 27 இடங்கள் முன்னேறி தற்போது 18வது இடத்தில் உள்ளார். கேப்டன் ரோகித் சர்மா, தொடர்ந்து 2 போட்டியில் ஒற்றை இலக்கத்தில் ஆட்டமிழந்து, 3 போட்டியில் வெறும் 50 ரன்கள் தான் அடித்தார். இதனால் அவர் 11வது இடத்தில் இருந்து 13வது இடத்துக்கு சரிந்துள்ளார்.

விராட் கோலி

இல்ங்கை தொடரில் ஓய்வில் இருந்த விராட் கோலி, வரலாற்றில் முதல் முறையாக முதல் 10 இடங்களை விட்டு வெளியெறிவிட்டார். தற்போது அவர் 10வது இடத்திலிருந்து 15வது இடத்துக்கு தள்ளப்பட்டார். இந்தியாவுக்கு எதிரான அரைசதம் விளாசிய நிசாங்கா, 15வது இடத்திலிருந்து 9வது இடத்துக்கு முன்னேறியுள்ளார். பாகிஸ்தான் வீரர் பாபர் அசாம் தொடர்ந்து முதலிடத்தில் உள்ளார்.

டி20 பந்துவீச்சு

டி20 பந்துவீச்சை பொறுத்தவரை, இந்திய வீரர் புவனேஸ்வர் குமார் 20வது இடத்திலிருந்து 17 வது இடத்துக்கு முன்னேறியுள்ளார். டாம் 10 பந்துவீச்சில் இந்திய வீரர்கள் ஒருவர் கூட இல்லை. இருப்பினும் இந்திய தொடரில் விளையாடாத இலங்கை வீரர் ஹசரங்கா தொடர்ந்து ஆறாவது இடத்தில் உள்ளார்.

இந்திய வீரர்கள்

ஒருநாள் போட்டிகளுக்கான ஐசிசி பேட்ஸ்மேன்கள் தரவரிசை பட்டியலில் பாபர் அசாம் முதலிடத்திலும், விராட் கோலி 2வது இடத்திலும், ரோகித் சர்மா 3வது இடத்திலும் உள்ளனர். இதே போன்று ஒருநாள் போட்டிக்கான பந்துவீச்சாளர்கள் தரப்பில் பும்ரா 6வது இடத்தில் உள்ளார். இதே போன்று டெஸ்ட் பேட்ஸ்மேனுக்கான தரவரிசை பட்டியலில் ரோகித் 6வது இடமும், கோலி 7வது இடத்திலும் உள்ளனர்.