ஐசிசி உலகக் கோப்பை கிரிக்கெட் LIVE: வங்கதேசத்தை வீழ்த்தி நியூசிலாந்து அபார வெற்றி

வங்கதேச அணியை வீழ்த்தி நியூசிலாந்து அணி அபார வெற்றியை பெற்றுள்ளது. சிறப்பாக ஆடிய அதிரடி வீரர் மிட்செல் 89 ரன்களும் எடுத்து அசத்தினார்

நியூசிலாந்து அணியின் அதிரடி வீரர் மிட்செல் 45 பந்துகளில் அரைசதம் விளாசி இருக்கிறார். 37 ஓவர்கள் முடிவில் நியூசிலாந்து அணி 2 விக்கெட்டுகள் இழப்பிற்கு 190 ரன்கள் சேர்த்து விளையாடி வருகிறது

நியூசிலாந்து அணி கேப்டன் கேன் வில்லியம்சன் 81 பந்துகளில் அரைசதம் விளாசியுள்ளார்

நியூசிலாந்து அணியின் தொடக்க வீரர் கான்வே 45 ரன்கள் எடுத்து ஆட்டமிழந்து வெளியேறினார்

நியூசிலாந்து அணி 14 ஓவர்கள் முடிவில் ஒரு விக்கெட் இழப்பிற்கு 65 ரன்கள் சேர்த்து விளையாடி வருகிறது. கான்வே 30 ரன்களுடனும், வில்லியம்சன் 19 ரன்களுடனும் களத்தில் உள்ளனர்

நியூசிலாந்து அணி 7 ஓவர்கள் முடிவில் ஒரு விக்கெட் இழப்பிற்கு 19 ரன்கள் சேர்த்து விளையாடி வருகிறது

வங்கதேசம் 50 ஓவர்களில் 9 விக்கெட் இழப்பிற்கு 245 ரன்கள் எடுத்தது. நியூசிலாந்து அணிக்கு 246 ரன்கள் வெற்றி இலக்கு நிர்ணயம்.

ஷகிப் அல் ஹசன் 40 ரன்களிலும், முஷ்பிகுர் ரஹீம் 66 ரன்களிலும் ஆட்டமிழந்தனர். வங்கதேசம் 6 விக்கெட்களை இழந்து திணறல் ஆட்டம் ஆடி வருகிறது.

வங்கதேசம் 27 ஓவர்கள் முடிவில் 4 விக்கெட் இழப்பிற்கு 126 ரன்கள் எடுத்துள்ளது. ஷகிப் அல் ஹசன் 22, முஷ்பிகுர் ரஹீம் 47 ரன்கள் எடுத்து ஆடி வருகின்றனர்.

வங்கதேச அணி 4 விக்கெட்களை இழந்தது. லாக்கி பெர்குசன் 2 விக்கெட், கிளென் பிலிப்ஸ் 1 விக்கெட், ட்ரென்ட் போல்ட் 1 விக்கெட் வீழ்த்தினர்.

வங்கதேச அணியின் இளம் வீரர் ஷான்டோ 7 ரன்கள் எடுத்து ஆட்டமிழந்தார். இதனால் வங்கதேச அணி 56 ரன்களுக்கு 4 விக்கெட்டுகளை இழந்து தடுமாறி வருகிறது

வங்கதேசம் அணி 11 ஓவர்கள் முடிவில் 2 விக்கெட்டுகள் இழப்பிற்கு 55 ரன்கள் சேர்த்து விளையாடி வருகிறது

வங்கதேசம் 7 ஓவர்கள் முடிவில் 1 விக்கெட் இழப்பிற்கு 38 ரன்கள் எடுத்துள்ளது. தன்சித் ஹசன் 16, மெஹிதி ஹசன் 21 ரன்கள் எடுத்து ஆடி வருகின்றனர்.

வங்கதேசம் 3 ஓவர்கள் முடிவில் 1 விக்கெட் இழப்பிற்கு 16 ரன்கள் எடுத்துள்ளது. தன்சித் ஹசன் 4, மெஹிதி ஹசன் 11 ரன்கள் எடுத்து ஆடி வருகின்றனர்.

ட்ரென்ட் போல்ட் வீசிய முதல் பந்தில் வங்கதேச வீரர் லிட்டன் தாஸ் டக் அவுட் ஆனார்.

வங்கதேசம் - நியூசிலாந்து இடையே ஆன போட்டியில் நியூசிலாந்து கேப்டன் கேன் வில்லியம்சன் பந்துவீச்சை தேர்வு செய்தார். வங்கதேசம் முதலில் பேட்டிங் செய்ய உள்ளது.

ஆஸ்திரேலிய அணிக்கு எதிரான போட்டியில் 134 ரன்கள் வித்தியாசத்தில் தென்னாப்பிரிக்கா அணி அபார வெற்றியை பதிவு செய்துள்ளது

ஆஸ்திரேலிய அணியின் நம்பிக்கை நட்சத்திரமாக இருந்த லபுஷேன் 46 ரன்கள் எடுத்து ஆட்டமிழந்தார்

ஆஸ்திரேலிய வீரர் மிட்செல் ஸ்டார்க் 27 ரன்கள் எடுத்து ஆட்டமிழந்தார். இதனால் ஆஸ்திரேலிய அணி 34 ஓவர்கள் முடிவில் 7 விக்கெட்டுகளை இழந்து 142 ரன்கள் மட்டுமே எடுத்து விளையாடி வருகிறது

28 ஓவர்கள் முடிவில் அச்திரேலியா அணி 6 விக்கெட்டுகள் இழப்பிற்கு 111 ரன்கள் சேர்த்து விளையாடி வருகிறது

கிளென் மேக்ஸ்வெல் 3 ரன்களில் ஆட்டமிழந்தார். ஆஸ்திரேலியா 5 விக்கெட்களை இழந்து திணறி வருகிறது.

ஸ்டீவ் ஸ்மித் 19 ரன்களிலும், ஜோஷ் இங்கிலிஸ் 5 ரன்களிலும் ஆட்டமிழந்தனர். ஆஸ்திரேலியா 4 விக்கெட்களை இழந்து தடுமாறி வருகிறது.

ஆஸ்திரேலிய அணியின் வார்னர் 13 ரன்களிலும், மிட்செல் மார்ஷ் 7 ரன்களிலும் ஆட்டமிழந்தனர். ஸ்டீவ் ஸ்மித், மார்னஸ் லாபுஷேன் பேட்டிங் செய்து வருகின்றனர். ஆஸ்திரேலியா 2 விக்கெட் இழந்து 39 ரன்கள் எடுத்து ஆடி வருகிறது.

தென்னாப்பிரிக்கா அணி 50 ஓவர்களில் 7 விக்கெட் இழப்பிற்கு 311 ரன்கள் குவித்தது. ஆஸ்திரேலிய அணிக்கு 312 ரன்கள் வெற்றி இலக்காக நிர்ணயம்.

தென்னாப்பிரிக்கா அணி 43 ஓவர்கள் முடிவில் 3 விக்கெட் இழப்பிற்கு 263 ரன்கள் எடுத்துள்ளது.

டஸ்ஸன் 26 ரன்களில் ஆட்டமிழந்தார். டி காக் சதம் அடித்து 109 ரன்கள் எடுத்த நிலையில் ஆட்டமிழந்தார். எய்டன் மார்கிரம், கிளாசன் பேட்டிங் ஆடி வருகின்றனர்.

டெம்பா பவுமா 35 ரன்கள் எடுத்து ஆட்டமிழந்தார். தென்னாப்பிரிக்கா அணி 27 ஓவர்கள் முடிவில் 1 விக்கெட் இழப்பிற்கு 150 ரன்கள் எடுத்துள்ளது.

தென்னாப்பிரிக்க அணி விக்கெட் இழப்பின்றி 75 ரன்கள் எடுத்துள்ளது

தென்னாப்பிரிக்க அணி 5.3 ஓவரில் விக்கெட் இழப்பின்றி 27 ரன்கள் எடுத்துள்ளது.

தென்னாப்பிரிக்காவுக்கு எதிரான போட்டியில் டாஸ் வென்ற ஆஸ்திரேலிய அணி பந்துவீச்சை தேர்வு செய்துள்ளது.