இந்த 2 வீக்னஸ்க்காக கோலி ஸ்பெஷல் பயிற்சி.. அரையிறுதியில் நியூசிலாந்து என தெரிந்த உடன் நோ ரெஸ்ட்

மும்பை : ஐசிசி உலக கோப்பை கிரிக்கெட் போட்டியில் இந்திய அணி இறுதியில் நியூசிலாந்தை தான் எதிர்கொள்ளப் போகிறது என்பது 99 சதவீதம் உறுதியாகிவிட்டது. ஏற்கனவே கடந்த முறை 2019 ஆம் ஆண்டு உலகக் கோப்பையில் நியூசிலாந்து இடம் இந்தியா தோல்வியை தழுவியது.

அந்தப் போட்டியில் விராட் கோலி மட்டும் நின்றிருந்தார். ஒருவேளை இந்தியா அப்போது சாம்பியன் பட்டத்தை வென்று இருக்கக்கூடும். இந்த நிலையில் இந்திய அணி ஞாயிற்றுக்கிழமை நெதர்லாந்துடன் கடைசி லீக் ஆட்டத்தில் எதிர்கொள்கிறது.

இதற்காக வெள்ளிக்கிழமை வீரர்களுக்கான விருப்ப பயிற்சி முகாம் நடந்தது. இதில் விருப்பம் உள்ள வீரர்கள் மட்டும் பங்கேற்கலாம். இந்தியா நியூசிலாந்தை தான் அரையிறுதியில் எதிர்கொள்ளப் போகிறது என்று தெரிந்தவுடன் விராட் கோலி ஓய்வே இல்லாமல் தீவிர பயிற்சியை மேற்கொண்டு இருக்கிறார்.

நியூசிலாந்து அணியில் ட்ரெண்ட் பவுல்ட்டின் இடது கை வேகப்பந்துவீச்சு இந்தியாவுக்கு எப்போதுமே சிக்கலை கொடுக்கும். இதற்காக விராட் கோலி ஸ்பெஷல் பயிற்சியில் ஈடுபட்டார். அதே சமயம் நியூசிலாந்து அணியின் லோக்கி பெகுர்சன் 150 கிலோ மீட்டர் வேகத்தில் ஷார்ட் பாலை வீசி எதிரணியை நிலைகுலைய வைப்பார். இலங்கைக்கு எதிரான போட்டியில் கூட லோகி பெகுர்சன் தன்னுடைய ஷார்ட் பால் ஆயுதத்தை பயன்படுத்தி தான் கடும் நெருக்கடியை கொடுத்தார்.

இதனை இந்தியாவுக்கு எதிராகவும் அவர் பயன்படுத்துவார் என்பதற்காக விராட் கோலி சுமார் ஒரு மணி நேரம் ஷார்ட் பால் வகை பந்துகளை எப்படி விளையாடுவது என்பது குறித்து பயிற்சி எடுத்தார். இதேபோன்று விராட் கோலிக்கு இன்னொரு ஒரு வீக்னஸ் இருக்கிறது. அதாவது இடதுகை சுழற் பந்து வீச்சை விராட் கோலி எதிர்கொள்ளும் போது தடுமாறி இருக்கிறார். மிச்சல் சார்ட்னர் பந்துவீச்சை விராட் கோலி 17 போட்டிகளில் எதிர்கொண்டு இதுவரை சராசரியாக 9 ரன்கள் மட்டும் தான் அடித்திருக்கிறார்.

மூன்று முறை மிச்சல் சார்ட்னர் பந்தில் விராட் கோலி ஆட்டம் இழந்திருக்கிறார். மேலும் ம சார்ட்னர் இந்த உலகக்கோப்பை தொடரில் 16 விக்கெட்டுகளை வீழ்த்தி இருக்கிறார். இதனால் சார்ட்னரை எதிர்கொள்வதற்கு ஏதுவாக ஜடேஜாவை இன்று பந்து வீச சொல்லி விராட் கோலி தனியாக ஒரு மணி நேரம் பயிற்சி செய்துள்ளார். இதன் மூலம் கடந்த முறை அடைந்த தோல்விக்கு இம்முறை பழி தீர்ப்பதற்காக விராட் கோலி ஓய்வு நேரத்தை கூட சிறப்பாக கையாண்டு இருக்கிறார் .