டெஸ்ட் ரேங்கிங்.. மீண்டும் நம்பர் 1 ஆனது இந்தியா!

கடந்த மாதம் 2வது இடம்

கடந்த மாதம் இதே தென் ஆப்பிரிக்கா அணிக்கு எதிரான டெஸ்ட் தொடரை 3-0 என்ற கணக்கில் வீழ்த்தி 2வது இடத்திற்கு இந்தியா முன்னேறியிருந்தது என்பது நினைவிருக்கலாம்.

மீண்டும் தென் ஆப்பிரி்க்காவால் லாபம்

இந்த நிலையில் தற்போது அதே தென் ஆப்பிரிக்காவே,. இந்திய அணிக்கு முதலிடம் கிடைக்கவும் உதவியுள்ளது சுவாரஸ்யமான ஒற்றுமையாகும்.

4 வருடத்திற்குப் பிறகு

4 வருடத்திற்கு முன்பு இந்தியா டோணி தலைமையில் முதலிடத்தை முதல் முறையாகப் பிடித்து அசத்தியிருந்தது. ஆனால் இங்கிலாந்துக்கு எதிரான தொடரில் 0-4 என்ற கணக்கில் கேவலமாக தோற்றதைத் தொடர்ந்து முதலிடத்தை இழந்தது.

110 புள்ளிகளுடன்

தற்போது 110 புள்ளிகளுடன் இந்தியா முதலிடத்தைப் பிடித்துள்ளது. ஆஸ்திரேலியா 109 புள்ளிகளுடன் 2வது இடத்தில் உள்ளது. தென் ஆப்பிரிக்கா 3வது இடத்திற்குப் போய் விட்டது.

அடுத்த மாதம் காத்திருக்கும் ஆபத்து

அடுத்த மாதம் ஆஸ்திரேலியா - நியூசிலாந்து இடையே டெஸ்ட் தொடர் நடைபெறவுள்ளது. 2 போட்டிகள் கொண்ட அதை ஆஸ்திரேலியா 1-0 என்ற கணக்கில் வென்றால் ஆஸ்திரேலியா முதலிடத்திற்கு வந்து விடும்.