டி20 உலககோப்பை - ஜிம்பாப்வே வெளியேறியது.. பாக். வீழ்த்திய ஜிம்பாப்வே , நெதர்லாந்திடம் வீழ்ந்தது

போராடிய சிக்கந்தர்

ஜிம்பாப்வே வீரர் வெய்ஸ்லி 1 ரன்னிலும், கேப்டன் ர்வின் 3 ரன்களிலும், சஙகபவா 5 ரன்களிலும் அடுத்தடுத்து ஆட்டமிழந்தனர். இதனால் ஜிம்பாப்வே அணி 20 ரன்கள் சேர்ப்பதற்குள் 3 விக்கெட்டுகளை இழந்து தடுமாறியது. அந்த அணியின் நட்சத்திர வீரர் சென் வில்லியம்ஸ் 28 ரன்கள் எடுத்தார். எனினும் தனி ஆளாக நின்று போராடிய சிக்கந்தர் ராசா 24 பந்தில் 40 ரன்கள் விளாசினார்.

118 ரன்கள் இலக்கு

இதில் 3 பவுண்டரிகளும், 3 சிக்சர்களும் அடங்கும். மற்ற வீரர்கள் அனைவரும் சொற்ப ரன்களில் ஆட்டமிழக்க, ஜிம்பாப்வே அணி 19.2 வது ஓவரில் 117 ரன்களுக்கு அனைத்து விக்கெட்டையும் இழந்தது. இதனையடுத்து 118 ரன்கள் எடுத்தால் வெற்றி என்ற இலக்குடன் நெதர்லாந்து அணி களமிறங்கியது.

மேக்ஸ் அரைசதம்

தொடக்க வீரர் ஸ்டிபன் 8 ரன்களில் ஆட்டமிழக்க, மற்றொரு தொடக்க வீரர் மேக்ஸ் அபாரமாக விளையாடி அரைசதம் விளாசினார், அவருக்கு துணையாக கூப்பர் 32 ரன்கள் எடுத்து வெளியேறினார். அப்போது ஜிம்பாப்வே வீரர்கள் நெருக்கடி அளிக்க, ஆட்டத்தில் பரபரப்பி ஏற்பட்டது. எனினும் பேஸ் டி வீட் 12 ரன்கள் எடுத்து 2 ஓவர்கள் எஞ்சிய நிலையில் நெதர்லாந்து அணியின் வெற்றியை உறுதிய செய்தார்.

வெளியேறிய ஜிம்பாப்வே

இதன் மூலம் பாகிஸ்தானை வீழ்த்திய ஜிம்பாப்வே அணி வங்கதேசம் மற்றும் நெதர்லாந்திடம் வீழ்ந்தது. தற்போது 3 புள்ளிகளுடன் 3 வது இடத்தில் இருந்தாலும், அந்த அணி தொடரிலிருந்து வெளியேறுவது 99.9 சதவீதட்ம உறுதியாகிவிட்டது. தற்போது பாகிஸ்தான், இந்தியா அணிகளுக்கு இடையே மட்டும் போட்டி நிலவுகிறது.