ஐசிசி டெஸ்ட் தரவரிசை பட்டியல்.. சுப்மன் கில் பின்னடைவு.. தேவுதத் படிக்கல் கிடுகிடுவென உயர்வு

By Javid Ahamed

Published: Wednesday, September 2, 2026, 16:06 [IST]

மும்பை: ஐசிசி டெஸ்ட் தரவரிசையில் இந்திய அணியின் கேப்டன் சுப்மன் கில் மற்றும் வேகப்பந்து வீச்சாளர் ஜஸ்பிரித் பும்ரா ஆகியோர் பின்னடைவைச் சந்தித்துள்ளனர். அதே நேரத்தில், இலங்கை தொடரில் சிறப்பான ஆட்டத்தை வெளிப்படுத்திய தேவ்தத் படிக்கல் தரவரிசையில் கணிசமான முன்னேற்றமடைந்துள்ளார்.

இலங்கை சுற்றுப்பயணத்தில் விளையாடிய மூன்று இன்னிங்ஸ்களில் ஒரே ஒரு அரைசதம் மட்டுமே அடித்த சுப்மன் கில், பேட்டிங் தரவரிசையில் இரண்டு இடங்கள் சரிந்து 9-வது இடத்தைப் பிடித்துள்ளார். இந்திய பேட்டர்களில் ரிஷப் பந்த் தொடர்ந்து முன்னிலையில் உள்ளார்; அவர் 7-வது இடத்தைத் தக்கவைத்துள்ளார்.

அதே நேரத்தில், இளம் வீரர் யஷஸ்வி ஜெய்ஸ்வால் தனது 11-வது இடத்தை தக்கவைத்துக்கொண்டு டாப்-10 பட்டியலுக்கு மிக அருகில் உள்ளார். இலங்கைக்கு எதிரான இரண்டு டெஸ்ட் போட்டிகள் கொண்ட தொடரில் 328 ரன்கள் குவித்து, இரண்டு சதங்களை விளாசிய தேவ்தத் படிக்கல் இந்தியாவின் சிறந்த பேட்டராக உருவெடுத்தார்.

இந்திய அணியில் கடைசி நேரத்தில் நீக்கம்.. மனமுடைந்த பிரபல ஆர்சிபி வீரர் போட்ட பதிவு

இதன் மூலம், அவர் ஐந்து இடங்கள் முன்னேறி 54-வது இடத்தைப் பிடித்துள்ளார். இலங்கை அணியின் சோனல் தினுஷா, கொழும்பில் நடந்த இரண்டாவது டெஸ்டில் அடித்த சிறப்பான சதங்களின் மூலம் 29 இடங்கள் முன்னேறி 25-வது இடத்தை எட்டியுள்ளார்.

பந்துவீச்சாளர்கள் தரவரிசையில் இந்திய நட்சத்திர வீரர் ஜஸ்பிரித் பும்ராவுக்கு பின்னடைவு ஏற்பட்டுள்ளது. இரண்டாவது இடத்தில் இருந்த பும்ரா தற்போது மூன்றாவது இடத்திற்குச் சரிந்துள்ளார். ஆஸ்திரேலியாவின் மிட்செல் ஸ்டார்க் முதலிடத்திலும், நியூசிலாந்தின் மேட் ஹென்றி இரண்டாவது இடத்திலும் உள்ளனர்.

முழங்கால் காயம் காரணமாக ஜஸ்பிரித் பும்ரா இலங்கை தொடரில் பங்கேற்கவில்லை. ஜூலை பாதியில் இருந்து அவர் விளையாடாமல் இருக்கும் நிலையில், செப்டம்பர் மத்தியில் நடைபெறவுள்ள ஆப்கானிஸ்தானுக்கு எதிரான டி20 தொடருக்கான இந்திய அணியில் அவர் சேர்க்கப்பட்டுள்ளார். எனினும், அவரது உடற்தகுதி சான்றிதழைப் பொறுத்தே அவர் போட்டிகளில் பங்கேற்பது உறுதியாகும்.