மகளிர் டி20 உலககோப்பை 2026: மீண்டும் இந்தியா, பாகிஸ்தான் போட்டி.. முழு அட்டவணை வெளியீடு

லண்டன்: ஐசிசி மகளிர் டி20 உலகக் கோப்பை 2026 தொடரின் முழு அட்டவணையும் தற்போது வெளியிடப்பட்டுள்ளது. இங்கிலாந்து மற்றும் வேல்ஸில் ஜூன் 12 முதல் ஜூலை 5 வரை நடைபெறவுள்ள இந்த முக்கியப் போட்டியில், இந்தியா மற்றும் பாகிஸ்தான் அணிகள் ஜூன் 14 அன்று மோதவுள்ளன. நெதர்லாந்து மற்றும் ஸ்காட்லாந்து ஆகிய இரு அணிகள் அறிமுகமாகவுள்ள இந்தத் தொடர் பெரும் எதிர்பார்ப்பை ஏற்படுத்தியுள்ளது.

கடந்த மாதம் நேபாளத்தில் நடைபெற்ற தகுதிச்சுற்றுப் போட்டிகளுக்குப் பிறகு, மொத்தம் 12 அணிகள் இந்த வரலாற்றுச் சிறப்புமிக்க மகளிர் கிரிக்கெட் திருவிழாவில் பங்கேற்க தகுதி பெற்றுள்ளன. போட்டியை நடத்தும் இங்கிலாந்துடன், வங்கதேசம், அயர்லாந்து, நெதர்லாந்து மற்றும் ஸ்காட்லாந்து ஆகிய நாடுகள் தகுதி சுற்று மூலம் தங்கள் இடங்களை உறுதி செய்துள்ளன.

இந்த ஆண்டு உலகக் கோப்பைத் தொடரில் பங்கேற்கும் அணிகளில் மூன்றில் ஒரு பங்கு ஐரோப்பிய நாடுகளாக இருப்பது இதுவே முதல் முறையாகும். இது ஒரு வரலாற்றுச் சிறப்புமிக்க நிகழ்வாகக் கருதப்படுகிறது. போட்டிக்கான அணிகள் இரண்டு பிரிவுகளாகப் பிரிக்கப்பட்டுள்ளன. குரூப் 1-இல் ஆஸ்திரேலியா, தென்னாப்பிரிக்கா, இந்தியா, பாகிஸ்தான், வங்கதேசம், நெதர்லாந்து ஆகிய அணிகள் இடம்பெற்றுள்ளன.

குரூப் 2-இல் மேற்கிந்தியத் தீவுகள், இங்கிலாந்து, நியூசிலாந்து, இலங்கை, அயர்லாந்து, ஸ்காட்லாந்து ஆகிய வலுவான அணிகள் மோதவுள்ளன. ரசிகர்களிடையே பெரும் எதிர்பார்ப்பை ஏற்படுத்தியுள்ள இந்தியா-பாகிஸ்தான் போட்டி ஜூன் 14 அன்று எட்க்பாஸ்டன் மைதானத்தில் நடைபெறும். ஜூன் 20 அன்று ஹெடிங்லியில் இங்கிலாந்து மற்றும் ஸ்காட்லாந்து அணிகள் தங்களது முதல் உலகக் கோப்பை மோதலில் இங்கிலாந்து மண்ணில் களமிறங்குகின்றன. அயர்லாந்து தனது முதல் ஆட்டத்தில் ஜூன் 13 அன்று ஓல்ட் டிராஃபோர்டில் ஸ்காட்லாந்தை எதிர்த்துப் போராடுகின்றது.

பின்னர் ஜூன் 16 அன்று ஹாம்ப்ஷயர் பவுல் மைதானத்தில் இங்கிலாந்தைச் சந்திக்கிறது. இதில் நியூசிலாந்து மற்றும் இலங்கை அணிகள் மோதும் ஆட்டமும் நடக்கவிருக்கிறது.ஐசிசி மகளிர் டி20 உலகக் கோப்பையில் நெதர்லாந்து அணி முதல்முறையாக அறிமுகமாகிறது. ஸ்டெர்ரே காலிஸ் போன்ற திறமையான வீராங்கனைகள் இந்தியா, ஆஸ்திரேலியா போன்ற தலைசிறந்த அணிகளுக்கு எதிராக தங்களது திறமையை நிரூபிக்க இத்தொடர் ஒரு பொன்னான வாய்ப்பாக அமையும்.

ஐசிசி தலைமை நிர்வாகி சஞ்சோக் குப்தா வெளியிட்ட அறிக்கையில், "ஐசிசி மகளிர் டி20 உலகக் கோப்பை 2026 தொடருக்கான அட்டவணையை வெளியிடுவது ஒரு முக்கிய மைல்கல்லாகும். இது மகளிர் கிரிக்கெட்டில் நாங்கள் தொடர்ந்து செய்யும் முதலீட்டைப் பிரதிபலிக்கிறது. இந்த விளையாட்டின் துரித வளர்ச்சிக்கு இத்தொடர் ஒரு புதிய அத்தியாயமாக அமையும் என்று நாங்கள் உறுதியாக நம்புகிறோம்," எனக் குறிப்பிட்டுள்ளார்.

வரும் ஜூன் 12 முதல் ஜூலை 5 வரையிலான காலகட்டத்தில் நடைபெறவுள்ள இந்த ஐசிசி மகளிர் டி20 உலகக் கோப்பையின் முழுமையான போட்டி அட்டவணை முழு விவரங்களையும் தற்போது காணலாம்.

2026 ஐசிசி மகளிர் டி20 உலகக் கோப்பையின் முழு அட்டவணை:

வெள்ளிக்கிழமை ஜூன் 12: இங்கிலாந்து v இலங்கை, எட்ஜ்பாஸ்டன் 18:30 BST

சனிக்கிழமை ஜூன் 13: ஸ்காட்லாந்து v அயர்லாந்து, ஓல்ட் டிராஃபோர்டு கிரிக்கெட் மைதானம் 10:30 BST

சனிக்கிழமை ஜூன் 13: ஆஸ்திரேலியா v தென்னாப்பிரிக்கா, ஓல்ட் டிராஃபோர்டு கிரிக்கெட் மைதானம் 14:30 BST

சனிக்கிழமை ஜூன் 13: மேற்கிந்திய தீவுகள் v நியூசிலாந்து, ஹாம்ப்ஷயர் பவுல் 18:30 BST

ஞாயிற்றுக்கிழமை ஜூன் 14: வங்கதேசம் v நெதர்லாந்து, எட்ஜ்பாஸ்டன் 10:30 BST

ஞாயிற்றுக்கிழமை ஜூன் 14: இந்தியா v பாகிஸ்தான், எட்ஜ்பாஸ்டன் 14:30 BST

செவ்வாய் ஜூன் 16: நியூசிலாந்து v இலங்கை, ஹாம்ப்ஷயர் பவுல் 14:30 BST

செவ்வாய் ஜூன் 16: இங்கிலாந்து v அயர்லாந்து, ஹாம்ப்ஷயர் பவுல் 18:30 BST

புதன்கிழமை ஜூன் 17: ஆஸ்திரேலியா v பங்களாதேஷ், ஹெடிங்லி 10:30 BST

புதன்கிழமை ஜூன் 17: இந்தியா v நெதர்லாந்து, ஹெடிங்லி 14:30 BST

புதன் ஜூன் 17: தென்னாப்பிரிக்கா v பாகிஸ்தான், எட்ஜ்பாஸ்டன் 18:30 BST

வியாழன் ஜூன் 18: மேற்கிந்திய தீவுகள் v ஸ்காட்லாந்து, ஹெடிங்லி 18:30 BST

வெள்ளி ஜூன் 19: நியூசிலாந்து v அயர்லாந்து, ஹாம்ப்ஷயர் பவுல் 18:30 BST

சனிக்கிழமை ஜூன் 20: ஆஸ்திரேலியா v நெதர்லாந்து, ஹாம்ப்ஷயர் பவுல் 10:30 BST

சனிக்கிழமை ஜூன் 20: பாகிஸ்தான் v பங்களாதேஷ், ஹாம்ப்ஷயர் பவுல் 14:30 BST

சனிக்கிழமை ஜூன் 20: இங்கிலாந்து v ஸ்காட்லாந்து, ஹெடிங்லி 18:30 BST

ஞாயிற்றுக்கிழமை ஜூன் 21: மேற்கிந்திய தீவுகள் v இலங்கை, பிரிஸ்டல் கவுண்டி மைதானம் 10:30 BST

ஞாயிற்றுக்கிழமை ஜூன் 21: தென்னாப்பிரிக்கா v இந்தியா, ஓல்ட் டிராஃபோர்ட் கிரிக்கெட் மைதானம் 14:30 BST

செவ்வாய் ஜூன் 23: நியூசிலாந்து v ஸ்காட்லாந்து, பிரிஸ்டல் கவுண்டி மைதானம் 10:30 BST

செவ்வாய் ஜூன் 23: இலங்கை v அயர்லாந்து, பிரிஸ்டல் கவுண்டி மைதானம் 14:30 BST

செவ்வாய் ஜூன் 23: ஆஸ்திரேலியா v பாகிஸ்தான், ஹெடிங்லி 18:30 BST

புதன் ஜூன் 24: இங்கிலாந்து v மேற்கிந்திய தீவுகள், லார்ட்ஸ் கிரிக்கெட் மைதானம் 18:30 BST

வியாழன் ஜூன் 25: இந்தியா v வங்கதேசம், ஓல்ட் டிராஃபோர்ட் கிரிக்கெட் மைதானம் 14:30 BST

வியாழன் ஜூன் 25: தென்னாப்பிரிக்கா v நெதர்லாந்து, பிரிஸ்டல் கவுண்டி மைதானம் 18:30 BST

வெள்ளி ஜூன் 26: இலங்கை v ஸ்காட்லாந்து, ஓல்ட் டிராஃபோர்ட் கிரிக்கெட் மைதானம் 18:30 BST

சனிக்கிழமை ஜூன் 27: பாகிஸ்தான் v நெதர்லாந்து, பிரிஸ்டல் கவுண்டி மைதானம் 10:30 BST

சனிக்கிழமை ஜூன் 27: மேற்கிந்திய தீவுகள் v அயர்லாந்து, பிரிஸ்டல் கவுண்டி மைதானம் 14:30 BST

சனிக்கிழமை ஜூன் 27: இங்கிலாந்து v நியூசிலாந்து, ஓவல் 18:30 BST

ஞாயிற்றுக்கிழமை ஜூன் 28: தென்னாப்பிரிக்கா v வங்கதேசம், லார்ட்ஸ் கிரிக்கெட் மைதானம் 10:30 BST

ஞாயிற்றுக்கிழமை ஜூன் 28: ஆஸ்திரேலியா v இந்தியா, லார்ட்ஸ் கிரிக்கெட் மைதானம் 14:30 BST

செவ்வாய் ஜூன் 30: TBC v TBC (அரையிறுதி 1), தி ஓவல் 14:30 BST

வியாழன் ஜூலை 2: TBC v TBC (அரையிறுதி 2), தி ஓவல் 18:30 BST

ஞாயிறு ஜூலை 5: TBC v TBC (இறுதி), லார்ட்ஸ் கிரிக்கெட் மைதானம் 14:30 BST