மிக மோசம்
இந்த போட்டியில் தோனி தொடக்கத்தில் இருந்தே நிதானமாக ஆடி வந்தார். சரியாக சொல்ல வேண்டும் என்றால் அவர் ஒருநாள் போட்டியில் ஆடுவதற்கு பதிலாக டெஸ்ட் போட்டியில் ஆடுவது போல ஆடிக்கொண்டு இருந்தார். தேவையான பந்துகளை மட்டுமே அவர் தொட்டார் என்பது குறிப்பிடத்தக்கது.
ஏன் விமர்சனம்
இதற்கு எதிராக பல கிரிக்கெட் ரசிகர்கள் கருத்துக்களை தெரிவித்து இருக்கிறார்கள். தோனி நிறைய பந்துகளை குடித்துவிட்டார் என்று நிறைய பேர் கருத்து தெரிவித்து இருக்கிறார்கள். தோனி இன்னும் கொஞ்சம் பொறுப்பாக ஆடி இருக்கலாம் என்று கூட கருத்து தெரிவித்து வருகிறார்கள்.
எப்படி அவுட்டானார்
தோனி 52 பந்தில் 28 ரன்கள் அடித்து இருந்த போது அவுட்டானார். இவர் ரஷீத் கான் பந்தில் அவுட்டானார். கீப்பர் இஷ்ரத் அலி கில்தோனியை ஸ்டம்பிட் செய்தார். இதனால் நிதானமாக ஆடி வந்த தோனி அவுட்டாகி பெவிலியன் சென்றார்.ஸ்டம்பிட் செய்வதில் வல்லவரான தோனியே இப்படி அவுட்டாகி இருக்கிறார்.
அட இப்படியா
இதற்கு முன் தோனி ஒரே ஒருமுறைதான் இப்படி ஸ்டம்பிட் ஆகி இருக்கிறார். 2011 உலகக் கோப்பை போட்டியில் மேற்கு இந்திய தீவுகளுக்கு எதிரான போட்டியில் இப்படி அவர் அவுட்டானார். மொத்தம் 293 ஒருநாள் போட்டிகளில் விளையாடி உள்ள தோனி இரண்டு முறை மட்டுமே இப்படி அவுட்டாகி உள்ளார் என்பது ஆச்சர்யமான விஷயம்.