உலகக் கோப்பையில் ஒலித்த தமிழ்.. இந்திக்கு நோ.. மூத்த மொழிக்கு பெருமை சேர்த்த ஐசிசி.. என்ன நடந்தது?

அதுதான் காரணம்

ஆஸ்திரேலிய வீரர் வாட்சன் தமிழக ரசிகர்களை பாராட்டியது, தென்னாப்பிரிக்க வீரர் இம்ரான் தாஹிர் தமிழில் டிவிட் செய்தது, பஞ்சாப்பை சேர்ந்த ஹர்பஜன் சிங் பாதி தமிழராக மாறியது என்று தமிழ் மொழிக்கும் கிரிக்கெட்டுக்கு சமீப காலமாக நெருங்கிய தொடர்பு ஏற்பட்டுள்ளது.

ரசிகர்கள்

அதேபோல் தமிழ் நாட்டில் மட்டுமில்லாமல் இலங்கை, சிங்கப்பூர், மலேசியா, சவுதி, வங்கதேசம் ஆகிய நாடுகளில் உள்ள தமிழர்களும் கிரிக்கெட்டை விரும்பி பார்த்து வருகிறார்கள். தமிழ் ரசிகர்களால் ஐசிசி, பிசிசிஐ இரண்டு அமைப்பிற்கு பெரிய அளவில் வருமானம் வருகிறது.

என்ன பாராட்டு

இந்த நிலையில் தமிழ் மொழியை கவுரவிக்கும் வகையில் ஐசிசி வெளியிட்டு இருக்கும் வீடியோ ஒன்று இணையம் முழுக்க வைரலாகி உள்ளது. நியூசிலாந்து கேப்டன் கேன் வில்லியம்சன் பேசும் வீடியோ ஆகும் இது. இங்கிலாந்துக்கு எதிரான இறுதிப்போட்டி குறித்து அவர் இதில் ஆங்கிலத்தில் பேசியுள்ளார்.

என்ன வைரல்

இதற்கு தமிழில் சப்டைட்டில் கொடுத்து ஐசிசி பேஸ்புக் பக்கம் வீடியோ வெளியிட்டு இருக்கிறது. உலகில் சில மொழிகளுக்கு மட்டுமே ஐசிசி இப்படி வீடியோ வெளியிட்டுள்ளது. அதில் தமிழும் ஒரு மொழி என்பது குறிப்பிடத்தக்கது.

செம

ஐசிசி இப்படி தமிழில், அதுவும் இந்தியா விளையாடாத ஒரு போட்டிக்கு தமிழில் சப்டைட்டில் கொடுத்து இருப்பது ரசிகர்களை ஆச்சர்யத்திற்கு உள்ளாக்கி உள்ளது. பல தமிழர்கள் ஐசிசிக்கு இதனால் நன்றி தெரிவித்து வருகிறார்கள்.