எப்படிப்பட்ட வீரர் அவர்.. ஆனால் இப்படி ஒரு நிலை வந்துவிட்டதே.. இக்கட்டான நிலையில் கேப்டன் கோலி!

கோலி எப்படி

இந்த தொடர் முழுக்க கோலி மிகவும் நிதானமாக ஆடி வருகிறார். தொடர்ந்து அரை சதங்களை குவித்து அவர் சாதனை படைத்து வருகிறார். ஆஸ்திரேலியாவிற்கு எதிராக 82, பாகிஸ்தானுக்கு எதிராக 77, ஆப்கானிஸ்தானுக்கு எதிராக 67, மேற்கு இந்திய தீவுகளுக்கு எதிராக 72, இங்கிலாந்துக்கு எதிராக 66 ரன்கள் எடுத்தார்.

ஆனால் இல்லை

இதன் மூலம் ஆஸ்திரேலியா முன்னாள் கேப்டன் ஸ்டீவ் ஸ்மித்தின் உலகக் கோப்பை சாதனையை சமன் செய்துள்ளார்.ஆனால் இந்த தொடர் முழுக்க கோலி சிறப்பாக விளையாடினாலும் கூட இதுவரை அவர் ஒரு சதத்தை கூட அடிக்கவில்லை. முக்கியமாக உலகின் நம்பர் ஒன் பேட்ஸ்மேனாக இருந்தும் கூட கோலியால் சதம் அடிக்க முடியாமல் திணறி வருகிறார்.

ஏன் இப்படி

எப்போதும் 50 ரன்களை கடந்துவிட்டால் எளிதாக சதம் அடிப்பதுதான் கோலியின் ஸ்டைல். ஆனால் தற்போது அது அவரிடம் அதிகமாக மிஸ்ஸாகிறது என்பது குறிப்பிடத்தக்கது. அவர் அரை சதத்தை சதமாக மாற்ற முடியாமல் கஷ்டப்பட்டு வருகிறார்.

இன்று நடக்குமா

இதனால் இன்று நடக்கும் போட்டியிலாவது கோலி சதம் அடிப்பாரா என்ற கேள்வி எழுந்துள்ளது. உலகின் சிறந்த வீரரான இவர் ஏன் சதம் அடிக்க முடியாமல் மிஸ் செய்கிறார். அவருக்கு என்ன நேர்ந்தது என்ற கேள்வியை ரசிகர்கள் கேட்க தொடங்கி இருக்கிறார்கள். அவர் இன்று அதற்கெல்லாம் பதில் அளிப்பார் என்று எதிர்பார்க்கலாம்.