அவர் வேண்டும் என்றே அப்படி செய்தார்.. இதில் ஏதோ தவறு இருக்கிறது.. சர்ச்சையாகும் அந்த ஹிட் விக்கெட்!

என்ன நடந்தது

இதில் தென்னாப்பிரிக்கா அணி 49 ஓவரில் 241 ரன்களை 6 விக்கெட் இழந்து எடுத்தது. அதன்பின் களமிறங்கிய நியூசிலாந்து அணி 48.3 ஓவரில் 6 விக்கெட் இழப்பிற்கு 245 ரன்களை எடுத்து வென்றது. இதில் கேன் வில்லியம்சன் அதிரடியாக ஆடி சதம் அடித்தார் என்பது குறிப்பிடத்தக்கது.

எப்படி

நியூசிலாந்து சார்பாக முதலில் களமிறங்கிய கோலின் மூன்றோ அவுட்டான காரணத்தால் கேன் வில்லியம்சனும் , மார்ட்டின் குப்திலும் களமிறங்கி அதிரடியாக ஆடி வந்தனர். இதில் தென்னாப்பிரிக்கா வீரர் ஆண்டில் போட்ட 15 ஓவரில் குப்தீல் ஒரு ஹூக் ஷாட் அடித்தார். வாகாக வந்த பந்தை முன்பக்கம் கால் வைத்து உடலை வளைத்து, 360 டிகிரி திரும்பி, சரியாக பேட்டை வைத்து பந்தை சுழற்றினார்.

சிங்கிள் ஓட

இதை பார்த்ததும் கேன் வில்லியம்சன் சிங்கிள் ஓட முயற்சி செய்தார். ஆனால் குப்தீல் அங்குதான் ஒரு தவறு செய்து இருந்தார். அவர் பந்தை லாவகமாக ஒரு பக்கம் அடித்து இருந்தாலும், இன்னொரு பக்கம் தனது இடது காலால் ஸ்டம்ப்பை தட்டி விட்டு இருந்தார். இதனால் எப்போதும் கீழே விழாமல் அடம்பிடிக்கும் பெயில்ஸ் கீழே விழுந்தது.

அவுட்டானார்

இதனால் அம்பயர் அவருக்கு அவுட் கொடுத்தார். அதன்பின் 10 ரன்கள் அடிப்பதற்குள் வரிசையாக நியூசிலாந்து அணி மேலும் 2 விக்கெட்டுகளை இழந்தது. இந்த உலகக் கோப்பை போட்டியில் இதுதான் முதல் ஹிட் விக்கெட் ஆகும். அதேபோல் நியூசிலாந்து தொடக்க வீரர் ஒருவர் உலகக் கோப்பையில் ஹிட் விக்கெட் ஆவதும் இதுவே முதல்முறை.

எப்படி சர்ச்சை

அதேபோல் இது வேண்டும் என்றே செய்யப்பட்டது போல இருக்கிறது என்று சில ரசிகர்கள் தெரிவித்து வருகிறார்கள். அவர் வேண்டும் என்றே இப்படி அவுட்டாகி இருக்கிறார். இதில் எதோ மர்மம் இருக்கிறது என்று சிலர் டிவிட் மற்றும் போஸ்ட் செய்து வருகிறார்கள்.