அதனால்
அதனால் இன்று நடக்கும் போட்டி வங்கதேசம் அணிக்கு வாழ்வா சாவா போட்டி ஆகும். அதே சமயம் இந்திய அணிக்கு இன்றைய போட்டி அல்லது அடுத்த இலங்கைக்கு எதிரான போட்டி இரண்டில் ஏதாவது ஒன்றில் வெல்ல வேண்டும். ஆனால் இந்தியா இலங்கைக்கு எதிராக ரிஸ்க் எடுக்காது. பெரும்பாலும் இன்றைய போட்டியில் வெல்லவே இந்தியா அதிகம் முயலும்.
இந்திய அணியில்
இன்று நடக்கும் போட்டியில் இந்திய அணியில் பெரிய அளவில் மாற்றங்கள் இருக்காது என்கிறார்கள். ஆனால் மிகச்சிறிய அளவில் சில மாற்றங்கள் மட்டும் இந்திய அணியில் செய்யப்படும். இந்திய அணியின் மிடில் ஆர்டரின் பலத்தை கூட்டும் வகையில் சில மாற்றங்கள் இன்று செய்யப்படும் என்று கூறுகிறார்கள். கடந்த போட்டிகளில் இந்தியா சொதப்பியதை அடுத்து இந்த மாற்றங்கள் செய்யப்படலாம்.
என்ன சொதப்பல்
இந்திய அணியில் முதல் 5 வீரர்கள் தற்போது பிரச்சனை இல்லை. அதன்பின் களமிறங்கும் தோனியுடன் அதிரடியாக ஆட சரியான வீரர் இல்லை. இதனால் 5 வீரர்கள் அவுட்டான பின் இந்திய அணியின் ரன் ரேட் மோசமாக குறைந்து விடுகிறது. 7வது வீரராக களமிறங்கும் கேதார் ஜாதவ் இந்திய அணியில் பெரிய அளவில் அதிரடியாக ஆடுவதில்லை .
யார்
ஆனால் இவர் இந்திய அணிக்கு முக்கிய ஸ்பின் ஆப்ஷனாக இருக்கிறார் . குல்தீப், சாஹல் இருவரில் ஒருவர் காயம் அடைந்தால், இவர்தான் அவர்களின் ஓவரை போட வேண்டும் . ஆனால் தற்போது அவருக்கு பதிலாக ஜடேஜா அணியில் சேர்க்கப்பட வாய்ப்புள்ளது என்கிறார்கள். ஜடேஜா நன்றாக ஸ்பின் செய்ய கூடியவர். அதேபோல் தேவையான நேரத்தில் அதிரடியாகவும் ஆட கூடியவர்.
என்ன வாய்ப்பு
இதனால் இன்று ஜடேஜாவிற்கு வாய்ப்பு அளிக்கப்படலாம் என்று கூறுகிறார்கள். இன்று விளையாட போகும் இந்திய அணியின் உத்தேச பிளெயிங் லெவன் இதுதான்: கே எல் ராகுல், ரோஹித் சர்மா, கோலி, பண்ட், பாண்டியா, தோனி, ஜடேஜா, ஷமி, பும்ரா,சாஹல், குல்தீப்.