இது முடிவல்ல.. இதுதான் தொடக்கம்.. கணவனின் ஓய்வு குறித்து உருகிய சானியா.. வைரல் போஸ்ட்!

எப்போது

இவர் மேற்கு இந்திய தீவுகளுக்கு எதிராக 1999ல் அறிமுகம் ஆனார். அப்போதில் இருந்து இப்போதுவரை பாகிஸ்தான் அணிக்காக பல்வேறு தொடர்களில் விளையாடி உள்ளார். பாகிஸ்தானின் பல்வேறு கேப்டன்களுக்கு கீழேயும் அவர் விளையாடி உள்ளார்.

நீண்ட சாதனை

இவர் இதுவரை 287 ஒருநாள், 35 டெஸ்ட், 111 டி 20 போட்டிகளில் விளையாடி இருக்கிறார் என்பது குறிப்பிடத்தக்கது. இந்தியாவை சேர்ந்த பிரபல டென்னிஸ் வீராங்கனை சானியா மிர்சாவை இவர் திருமணம் செய்து கொண்டார். இவர்களின் திருமணத்திற்கு பின் அடிக்கடி இந்திய கிரிக்கெட் ரசிகர்களால் சானியா மிர்சா விமர்சனம் செய்யப்படும் நிகழ்வு நடந்து வருகிறது.

போஸ்ட்

இந்த நிலையில் தன்னுடைய கணவர் சோயப் மாலிக் ஓய்வு குறித்து தற்போது சானியா மிர்சா இன்ஸ்டாகிராமில் போஸ்ட் செய்துள்ளார். அதில், எல்லா கதைக்கும் ஒரு முடிவு இருக்கிறது. ஆனால் வாழ்க்கையில் எல்லா முடிவிற்கும் பின்பும் ஒரு புதிய தொடக்கம் இருக்கும். மாலிக், நீங்கள் உங்கள் நாட்டிற்காக 20 வருடம் பெருமையுடன் விளையாடினீர்கள்.

பாராட்டு

பணிவுடன் உங்கள் நாட்டிற்காக நீங்கள் தொடர்ந்து விளையாடினீர்கள். நானும், இஷானும் உங்களையும், உங்கள் சாதனைகளையும் நினைத்து பெருமைப்படுகிறோம், என்று மிகவும் உருக்கமாக போஸ்ட் செய்துள்ளார். அவரின் இந்த போஸ்ட் இணையம் முழுக்க வைரலாகி உள்ளது. இந்தியர்களும் அவரின் போஸ்ட்டை பாராட்டி கமெண்ட் செய்து வருகிறார்கள்.