எப்படி
உலகக் கோப்பை தொடரில் இந்திய அணியில் தேர்வாவதற்கு பண்ட் மற்றும் தினேஷ் கார்த்திக்கிற்கு இடையில் கடுமையான போட்டி நிலவி வந்தது. கடைசியில் அனுபவம் கருதி தினேஷ் கார்த்திக் அணியில் எடுக்கப்பட்டார். ஆனால் அவருக்கு இன்னும் இந்த தொடரில் விளையாட வாய்ப்பு வழங்கப்படவில்லை.
அறிமுகம்
தினேஷ் கார்த்திக் 2004ல் இந்திய அணியில் அறிமுகம் ஆனார். கீப்பராக அறிமுகம் ஆன இவர் தோனியின் வருகைக்கு பின் மொத்தமாக ஓரங்கட்டப்பட்டார். அவ்வப்போது அணியில் வாய்ப்பு கிடைத்து விளையாடி வந்த இவர் இங்கிலாந்தில் நடந்த நிதாஸ் கோப்பையில்தான் தன்னுடைய திறமையையும் நிரூபித்தார். ஆனாலும் இவர் உலகக் கோப்பை தொடரில் இப்போது வரை களமிறக்கப்படவில்லை.
2007ல் என்ன
2007ல் ராகுல் டிராவிட் தலைமையில் சென்ற உலகக் கோப்பை அணியில் இவர் இடம்பெற்று இருந்தார். ஆனால் அப்போதும் அவருக்கு அணியில் களமிறங்கி விளையாட வாய்ப்பு கிடைக்கவில்லை. தற்போதும் இதுவரை வாய்ப்பு கிடைக்காமல் அவர் கஷ்டப்பட்டு வருகிறார்.
என்ன நடக்குமா
இவருக்கு இப்போதே 34 வயதாகிவிட்டது. அடுத்த உலகக் கோப்பை போட்டியில் இவர் விளையாடுவது சந்தேகம்தான். இன்று ஆப்கானிஸ்தான் அணிக்கு எதிரான போட்டியில் தினேஷ் கார்த்திக் இறங்கவில்லை என்றால் இந்த தொடரில் இனி இவர் விளையாட வாய்ப்பே கிடைக்காது. இனி வரும் போட்டிகள் கடினமான போட்டிகள் என்பதால் தினேஷ் கார்த்திக் வாய்ப்பு பெறுவது கடினம்.
இன்று பண்ட்
ஆனால் இன்று பண்ட்தான் அணியில் இடம்பிடிப்பார் என்று செய்திகள் வருகிறது. அதனால் தினேஷ் கார்த்திக்கு உலகக் கோப்பையில் விளையாடும் கடைசி வாய்ப்பும் பறிபோகிறதா என்ற கேள்வி எழுந்துள்ளது.