மீண்டும் டெஸ்டில் இந்தியா தோல்வி.. டெஸ்ட் சாம்பியன்ஷிப் இறுதிப் போட்டிக்கு தகுதி பெறுமா?

முதல் 3 இடம்

டெஸ்ட் சாம்பியன்ஷிப் புள்ளி பட்டியலில் முதல் 2 இடங்களை பிடிக்கும் அணி தான் இறுதிப் போட்டிக்கு செல்ல முடியும். இதில் முதலிடத்தில் ஆஸ்திரேலிய அணி 77.78 சதவீதத்துடன் உள்ளது. 71.43 சதவீதத்துடன் தென்னாப்பிரிக்க அணி 2வது இடத்தை பிடித்துள்ளது. மூன்றாவது இடத்தில் பாகிஸ்தானும், 4வது இடத்தில் இந்தியாவும் உள்ளது.

எஞ்சியுள்ள போட்டி

தற்போது நியூசிலாந்து, இங்கிலாந்து அணி புள்ளி பட்டியலில் அடி தளத்தில் உள்ளது. அந்த அணிகளுக்கு இனி இறுதிப் போட்டிக்கு செல்ல வாய்ப்பு இல்லை. ஆனால் இந்தியாவுக்கு இன்னும் இறுதிப் போட்டிக்கு செல்ல வாய்ப்புள்ளது. இன்னும் இந்திய அணிக்கு 6 டெஸ்ட் போட்டிகள் எஞ்சியுள்ளன.இதில் 2 டெஸ்ட் போட்டி வங்கதேசத்துடன் உள்ளது.

இந்தியாவின் வாய்ப்பு

மேலும் 4 டெஸ்ட் போட்டிகள் ஆஸ்திரேலிய அணியுடன் உள்ளது. இதில் எஞ்சிய 6 போட்டியிலும் இந்திய அணி வெற்றி பெற்றால் மட்டுமே இறுதிப் போட்டிக்கு செல்ல முடியும் என்ற வாய்ப்பு ஏற்பட்டுள்ளது. இதில் ஒரு போட்டி மழையால் டிராவானால் கூட இந்திய அணியின் பைனலுக்கு செல்லும் வாய்ப்பு அவ்வளவு தான்.

இறுதிக்கு செல்வது யார்?

இதில் 6 போட்டிகளுமே சுழற்பந்துவீச்சுக்கு சாதகமான ஆசிய மைதானங்களில் தான் நடைபெறுகிறது. இதில் இந்தியாவுக்கு சாதமாக அம்சமாகவும் பார்க்கப்படுகிறது. இந்தியாவுக்கு கடும் போட்டி அளிக்கும் தென்னாப்பிரிக்கா, பாகிஸ்தான், வெஸ்ட் இண்டீஸ் அணிகளும் தங்களுடைய டெஸ்ட் போட்டிகளில் தோற்க வேண்டும்.