அவர் போய்ட்டா கோவிந்தா தான்..!! டீம் இந்தியா எதுக்கும் ஆகாது..! அலர்ட் தந்த சாதனை வீரர்

பாராட்டுகள்

இந்திய அணியின் முன்னாள் வேகப்பந்துவீச்சாளர் இர்பான் பதானும் பும்ராவை விழுந்து, விழுந்து பாராட்டி இருக்கிறார். அவர் கூறி இருப்பதாவது: இந்திய அணியில் மிக முக்கியமான வீரர் ஒருவர் இருக்கிறார். அவர் வேறு யாருமில்லை. ஜஸ்பிரித் பும்ரா தான் அவர்.

பெரும் இழப்பு

இந்திய அணியில் பும்ரா விளையாடாவிட்டால், அணிக்கு பெரும் இழப்பு. அந்த அளவுக்கு அணியில் மிக முக்கியத்துவம் வாய்ந்த வீரராக உருமாறி இருக்கிறார் பும்ரா. அவரால் இந்திய அணி ஆசீர்வதிக்கப்பட்டுள்ளது.

சாதனை கடினம்

அவரை இந்திய அணி மிக கவனமாக பார்த்து கொள்ள வேண்டும். அவர் மாதிரி, டி 20, ஒருநாள், டெஸ்ட் என 3 வகையான போட்டிகளிலும் சாதிப்பது கடினமான விஷயம்.

இது தொடரும்

பும்ரா டெஸ்ட் போட்டியில் எடுத்த ஹாட்ரிக் விக்கெட் ரொம்பவே முக்கியமான ஒன்று. அவரின் சாதனை இதோடு நின்று விடாது. இன்னும் அதிக ஹாட்ரிக் விக்கெட்டுகளை வீழ்த்துவார்.

அரிதான விஷயம்

சில வீரர்கள் தங்களின் கிரிக்கெட் வாழ்க்கையில் ஒரு ஹாட்ரிக் விக்கெட் கூட வீழ்த்த முடியாமல் உள்ளனர். ஒருமுறை இந்தச் சாதனையை படைத்து விட்டால், அரிதான ஒரு விஷயத்தை செய்துவிட்டீர்கள் என்று அர்த்தம் என்றார்.