இந்தியாவுக்கு உலக கோப்பையை பெற்று தருமா இந்த மூவேந்தர் கூட்டணி…? ஓர் அலசல்

பும்ரா சூப்பர்

சந்தேகமின்றி தற்போதைய கிரிக்கெட் உலகின் மிகச் சிறந்த வேகப்பந்து வீச்சாளர் என்றால், அது பும்ரா தான். அபார பந்துவீச்சு தாக்குதலால் எதிரணி பேட்ஸ்மேன்களை நிலைகுலைய வைத்து விக்கெட்களை கைப்பற்றுகிறார். அவரது யார்க்கர் பந்துகள் ஆட்டத்தின் இறுதி நேரங்களில் முக்கிய பங்கு அளிக்கிறது.

19 விக்கெட்டுகள் அபாரம்

எனவே, கேப்டன் கோலி அவரை நன்றாக பயன்படுத்தி, உலக கோப்பையை தம் வசப்படுத்த முனைவார் என்று எதிர்பார்க்கலாம். ஐபிஎல் தொடரில் மும்பை அணியில் இடம் பெற்ற பும்ரா 19 விக்கெட்களை கைப்பற்றி உள்ளதை யாரும் மறக்க முடியாது.

ஏறுமுகத்தில் பேட்டிங்

30 வயதான கேப்டன் கோலி தலை சிறந்த பேட்ஸ்மேன். அனைத்து வகையான போட்டிகளுக்கும் மெருகேற்றியுள்ளார். சொல்ல போனால், 3 ஆண்டுகளாக அவரது பேட்டிங் ரேட் ஏறுமுகம் தான். கடைசியாக அவர் விளையாடிய 50 ஒரு நாள் போட்டிகளில், குவித்த ரன்கள் 3,151. அவற்றில் 14 சதங்கள், 11 அரை சதங்கள். உலக கோப்பையில் அவரது பங்களிப்பு மிக முக்கியம்.

தல தோனி

அடுத்து, தல... மஹி என்று செல்லமாக அழைக்கப்படும் மகேந்திர சிங் தோனி. கபில்தேவுக்கு பிறகு உலக கோப்பையை இந்தியாவுக்கு பெற்று தந்தவர். இந்த உலக கோப்பை தொடரில் ஓய்வு பெற இருக்கும் 37 வயதான தோனி, இந்திய அணியின் மிக முக்கிய வீரர்களில் ஒருவர்.

கை கொடுப்பாரா தல?

எவ்வித சூழ்நிலையும், அணிக்கு வெற்றியை தேடித் தருபவர். அவரின் விக்கெட் கீப்பிங் உலகளவில் பிரபலம். கோலிக்கு ஆலோசனைகளை வழங்கி வெற்றிக்கு பக்க பலமாகவும் உள்ளார். அவரின் அறிவுரை இந்த உலக கோப்பை தொடரில் கோலிக்கு கை கொடுக்கும். இந்திய அணி சாம்பியன் பட்டம் வெல்ல அவர் முக்கிய காரணமாக இருப்பார் என்று எதிர்பார்க்கப்படுகிறது.