அபார பவுலிங்.. சுழலில் சுருண்ட ஆப்கானிஸ்தான்.. இந்தியா இன்னிங்ஸ் வெற்றி

அணி விவரம்

இந்திய அணியில் தவான், முரளி விஜய், புஜாரா, லோகேஷ் ராகுல், ரஹானே, தினேஷ் கார்த்திக், பாண்டியா, அஸ்வின், ஜடேஜா, இஷாந்த் சர்மா, உமேஷ் யாதவ் ஆகியோர் உள்ளனர்.ஆப்கானிஸ்தான் அணியில், ஷாஷாத், ஜாவேத், ரஹ்மத், அஸ்கர், அப்சர், முகமது நபி, ஷஹிதி, ரஷீத் கான், முஜீப் உர் ரஹ்மான் , ராமின் அஹமத் சாய், வபாதர் ஆகியோர் உள்ளனர்.

இந்தியா அதிரடி

முதலில் களமிறங்கிய தவான் முரளி விஜய் ஜோடி தொடக்கத்தில் இருந்து அதிரடி காட்டியது. தவான் அதிரடியாக 96 பந்தில் 107 ரன்கள் எடுத்தார். இதில் 19 பவுண்டரி மூன்று சிக்ஸர் அடித்தார். முரளி விஜய், 105 ரன்களுக்கும், லோகேஷ் ராகுல் 54 ரன்களுக்கும் அவுட்டானார்கள்.

பெரிய இலக்கு

அதன்பின் ரஹானே, தினேஷ் கார்த்திக், புஜாரா வரிசையாக அவுட்டானார்கள். ஹர்திக் பாண்டியா, அஸ்வின் ஆகியோர் நிதானமாக ஆடினார்கள். கடைசியில் வந்த பாண்டியா 71 ரன்கள் எடுத்தார். முதல் டெஸ்டில் முதல் இன்னிங்சில் இந்தியா அனைத்து விக்கெட்டையும் இழந்து 474 ரன்கள் எடுத்துள்ளது.

மோசம்

அதன்பின் ஆப்கானிஸ்தான் மிகவும் மோசமாக ஆடியது. களமிறங்கிய பேட்ஸ்மேன்கள் எல்லோரும் வரிசையாக அவுட் ஆனார்கள். அதிக பட்சமாக முகமது நபி மட்டும் 24 ரன்கள் எடுத்தார். இந்தியாவிற்கு எதிரான டெஸ்டில் ஆப்கானிஸ்தான் 109 ரன்களில் சுருண்டது. முதல் இன்னிங்ஸில் ஆப்கானிஸ்தான் 109 ரன்களுக்கு 10 விக்கெட்டையும் இழந்தது.

ஃபாலோ - ஆன்

இந்தியாவை விட ஆப்கானிஸ்தான் 365 ரன்கள் பின்தங்கியுள்ளது. ஃபாலோ - ஆன் பெற்ற ஆப்கானிஸ்தான் 2வது இன்னிங்ஸ் இறங்கும். அஸ்வின் அதிகபட்சமாக 4 விக்கெட் எடுத்தார். இஷாந்த் சர்மா, ஜடேஜா தலா 2 விக்கெட் எடுத்தனர்.இதனால் இடைவேளைக்கு பின் ஆப்கானிஸ்தான் மீண்டும் களமிறங்க உள்ளது.

வெற்றி

இரண்டாவது இன்னிங் இறங்கிய ஆப்கானிஸ்தான் மீண்டும் மோசமாக ஆடியது. வரிசையாக வீரர்கள் விக்கெட்டை இழந்தனர். ஷாகிதி மட்டும் 36 ரன்கள் எடுத்தார். ஜடேஜா 4 விக்கெட், அஸ்வின் 1 விக்கெட், உமேஷ் யாதவ் 3 விக்கெட், இஷாந்த் சர்மா 1 விக்கெட் எடுத்தனர். இதனால் இரண்டாவது இன்னிங்ஸில் ஆப்கானிஸ்தான் 103 ரன்களுக்கு ஆல் அவுட் ஆனது. இதனால் இன்னிங்ஸ் மற்றும் 262 ரன்கள் வித்தியாசத்தில் இந்தியா வெற்றி பெற்றது. இதனால் ஆப்கானிஸ்தான் தனது முதல் டெஸ்ட் போட்டியில் இந்தியாவிடம் தோல்வி அடைந்துள்ளது.