தரமான சம்பவம்.. ஆஸ்திரேலியாவின் நம்பிக்கையை உடைத்த இந்திய வீரர்கள்.. பழிக்குப் பழி தீர்த்து வெற்றி!

INDvsAUS | ஆஸ்திரேலியாவை அதிரடியால் வீழ்த்தியது இந்தியா

லண்டன் : இந்தியா - ஆஸ்திரேலியா மோதிய 2019 உலகக்கோப்பை தொடரின் லீக் போட்டியில் இந்தியா 36 ரன்கள் வித்தியாசத்தில் வெற்றி பெற்றது.

இந்தப் போட்டிக்கான எதிர்பார்ப்பு பலமடங்கு அதிகமாக இருந்தது. ஆஸ்திரேலிய அணி உலகக்கோப்பை தொடருக்கு முன் இந்திய அணிக்கு எதிரான ஒருநாள் தொடரைக் கைப்பற்றி இருந்ததால் இரண்டு அணிகளுக்கும் இடையே கடும் போட்டி இருந்தது.

அதை சமாளித்த இந்தியா, 2003 உலகக்கோப்பை தொடரில் ஆஸ்திரேலிய அணியிடம் இறுதிப் போட்டியில் அடைந்த தோல்விக்கு மீண்டும் ஒரு உலகக்கோப்பை தோல்வியை அந்த அணிக்கு பரிசளித்து, பழி தீர்த்துக் கொண்டது.

டாஸ் வெற்றி

டாஸ் வெற்றி

இந்தப் போட்டியில் டாஸ் வென்ற இந்திய அணி பேட்டிங் தேர்வு செய்தது. டாஸ் வெற்றியை சரியாக பயன்படுத்திக் கொண்ட இந்தியா, பேட்டிங்கில் பிரித்து மேய்ந்தது. எந்த இடத்திலும் இந்தியா பேட்டிங்கில் சறுக்கவே இல்லை.

ரோஹித், தவான் அபாரம்

ரோஹித், தவான் அபாரம்

துவக்க வீரர்கள் ரோஹித் சர்மா நிதானமாக ஆடினாலும், 57 ரன்கள் குவித்தார். தவான் தன் இயல்பான ஆட்டத்தை ஆடி 117 ரன்கள் குவித்து, ஐசிசி நடத்தும் தொடர்களில் நான் தான் ராஜா என காட்டினார்.

கோலி, பண்டியா அசத்தல்

கோலி, பண்டியா அசத்தல்

அடுத்து விராட் கோலி 82 ரன்கள் எடுத்து மிரட்டினார். ஹர்திக் பண்டியா நான்காம் இடத்தில் பேட்டிங் இறங்கி ஆச்சரியம் அளித்தார். அதைவிட 27 பந்துகளில் 48 ரன்கள் எடுத்து எல்லோருக்கும் ஆச்சரியம் அளித்தார். தான் பொறுப்பான பேட்ஸ்மேன் என நிரூபித்துக் காட்டினார்.

தோனி அதிரடி

தோனி அதிரடி

தோனி கடைசி ஐந்து ஓவர்களில் களமிறங்கி அதிரடி ஆட்டம் ஆடினார். 14 பந்துகளில் 27 ரன்கள் குவித்தார். ராகுல் 3 பந்துகளில் 11 ரன்கள் எடுத்து தன்னால் முடிந்த உதவியை செய்தார். இந்தியா 5௦ ஓவர்களில் 352 ரன்கள் குவித்தது.

இந்தியா நிர்ணயித்த இலக்கு

இந்தியா நிர்ணயித்த இலக்கு

இந்தப் போட்டி நடைபெற்ற ஓவல் மைதானத்தில் 300+ ரன்கள் "தண்ணி பட்ட பாடு" என்பதால் இந்தியா பந்துவீச்சில் கவனமாக இருக்க வேண்டும் என்ற நிலை இருந்தது. அதற்கேற்ப, ஆஸ்திரேலிய அணி சிறப்பான துவக்கம் பெற்றது.

கவனமான ஆட்டம்

கவனமான ஆட்டம்

சற்று நிதானமாக ரன் சேர்த்தாலும், 13 ஓவர்கள் வரை விக்கெட் இழக்காமல் 60 ரன்கள் சேர்த்தனர் ஆரோன் பின்ச் - டேவிட் வார்னர். இந்திய பந்துவீச்சாளர்களால் விக்கெட் எடுக்க முடியாத அளவு கவனமாக ஆடினர்.

பின்ச் ரன் அவுட்

பின்ச் ரன் அவுட்

ஆனால், ரன் ஓடுவதில் இருவரும் சொதப்பினர். அந்த வாய்ப்பை பயன்படுத்திய ஜாதவ், பண்டியா இணைந்து பின்ச்சை ரன் அவுட் செய்தனர். அவர் 36 ரன்களில் ஆட்டமிழந்தார். தொடர்ந்து வார்னர் - ஸ்மித் கூட்டணி அமைத்தனர். ஆனால், இவர்களும் நிதானமாக ரன் சேர்க்க ரன் ரேட் அழுத்தத்தில் ஆழ்ந்தது ஆஸ்திரேலியா.

சரிந்த விக்கெட்கள்

சரிந்த விக்கெட்கள்

வார்னரை சாஹல் 56 ரன்களில் வெளியேற்ற, அடுத்து வந்த கவாஜா 42 ரன்கள் சேர்த்து பும்ரா பந்துவீச்சில் ஆட்டமிழந்தார். இதன் பின் ஆஸ்திரேலியா ஆட்டம் கண்டது. ஸ்மித் 69, ஸ்டாய்னிஸ் 0, மேக்ஸ்வெல் 28 என அடுத்தடுத்து விக்கெட்களை இழந்தது ஆஸ்திரேலியா.

அலெக்ஸ் கேரி அரைசதம்

அலெக்ஸ் கேரி அரைசதம்

அப்போதே ஆஸ்திரேலியாவின் தோல்வி உறுதியானது. அந்த அளவுக்கு தேவைப்படும் ரன் ரேட் உச்சத்தில் இருந்தது. இந்த கலவரத்துக்கு நடுவே அலெக்ஸ் கேரி அரைசதம் அடித்தார். எனினும், பின்வரிசை வீரர்களை, பும்ரா, புவனேஸ்வர் குமார் தட்டித் தூக்கினர்.

இந்தியா வெற்றி

இந்தியா வெற்றி

ஆஸ்திரேலியா சரியாக கடைசி பந்தில் அனைத்து விக்கெட்களையும் இழந்து 316 ரன்கள் மட்டுமே எடுத்து ஆட்டமிழந்தது. இந்தியா 36 ரன்கள் வித்தியாசத்தில் வெற்றி பெற்றது. 4 புள்ளிகளுடன் உலகக்கோப்பை லீக் சுற்றில் வெற்றிகரமான அணியாக கால் பதித்துள்ளது இந்தியா.

ஐசிசி கிரிக்கெட் உலகக்கோப்பை 2019 கணிப்புகள்
Match 33 - June 26 2019, 03:00 PM
நியூசிலாந்து
பாகிஸ்தான்
Predict Now
For Quick Alerts
Subscribe Now
For Quick Alerts
ALLOW NOTIFICATIONS
For Daily Alerts

English summary
IND vs AUS Cricket World cup 2019 : India vs Australia match report and highlights
Story first published: Sunday, June 9, 2019, 23:40 [IST]
Other articles published on Jun 9, 2019
POLLS

myKhel பிரேக்கிங் அலர்ட்டுகளைப் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more