IND vs ENG: தோல்விக்கு காரணமே இதுதான்.. ஒருத்தராவது இதை செய்திருக்கலாம் கதறிய கேப்டன் ஜோஸ் பட்லர்

கட்டாக்: இந்தியாவுக்கு எதிரான இரண்டாவது ஒருநாள் போட்டியில் இங்கிலாந்து அணி நான்கு விக்கெட் வித்தியாசத்தில் தோல்வியடைந்தது. இதுகுறித்து அணியின் கேப்டன் ஜோஸ் பட்லர் கருத்து தெரிவித்துள்ளார்.

ஜோஸ் பட்லர் பேசியதாவது - "நாங்கள் நிறைய விஷயங்களைச் சரியாகச் செய்திருக்கலாம் என இப்போது நினைக்கிறேன். நாங்கள் பேட்டிங்கில் ஒரு நல்ல நிலையில் இருந்தோம். யாராவது ஒருவர் ஸ்கோரை 350 வரை முன்னேற்றி இருக்கலாம். ரோஹித் சர்மா தான் இந்த வெற்றிக்குக் காரணம். அவர் அபாரமாக ஆடினார்."

"கடந்த சில ஆண்டுகளாகவே ஒருநாள் கிரிக்கெட் போட்டியில் ரோஹித் இப்படித்தான் பேட்டிங் செய்து வருகிறார். நாங்கள் அதிக ரன்களை எடுக்க வேண்டும் என்று நினைத்தோம். கடைசியில் விக்கெட் சரிவு ஏற்பட்டது. எதிரணி அந்த இடத்தில் சரியாக விளையாடியது. நாங்கள் பவர் பிளே ஓவர்களில் சிறப்பாக செயல்படவில்லை."

"யாராவது ஒருவர் எங்கள் ஸ்கோரை 330 முதல் 350 வரை கொண்டு சென்றிருந்தால் இந்தப் போட்டியில் இந்திய அணியைத் தடுத்து இருக்கலாம். எங்களுக்குச் சாதகமான முடிவுகள் கிடைக்கவில்லை என்றாலும் நாங்கள் நேர்மறையாக இருக்க விரும்புகிறோம்," என்று பட்லர் கூறினார்.

இந்தப் போட்டியில் இங்கிலாந்து அணி முதலில் பேட்டிங் செய்து 49.5 ஓவர்களில் அனைத்து விக்கெட்டுகளையும் இழந்து 304 ரன்கள் எடுத்தது. அந்த அணியில் அதிகபட்சமாக ஜோ ரூட் 69 ரன்களும், பென் டக்கெட் 65 ரன்களும் எடுத்தனர். இந்திய அணி தரப்பில் ரவீந்திர ஜடேஜா 3 விக்கெட்டுகளை வீழ்த்தினார்.

305 ரன்கள் என்ற இலக்கை துரத்திய இந்திய அணி 44.3 ஓவர்களில் 308 ரன்கள் எடுத்து வெற்றி பெற்றது. இந்திய அணியின் கேப்டன் ரோஹித் சர்மா 119 ரன்கள் எடுத்தார். சுப்மன் கில் 60 ரன்கள் எடுத்தார்.

இங்கிலாந்து அணியின் தோல்விக்கு முக்கிய காரணங்கள் இவைதான். இங்கிலாந்து அணி துவக்கத்தில் அதிரடியாக ரன் சேர்த்தாலும், மிடில் ஓவர்களில் அடுத்தடுத்து விக்கெட்டுகளை இழந்தது. கடைசி சில ஓவர்களில் இங்கிலாந்து அணியால் அதிக ரன்களை குவிக்க முடியவில்லை.

இந்திய அணியின் துவக்க வீரர்கள் ரோஹித் சர்மா மற்றும் சுப்மன் கில் சிறப்பாக விளையாடினர். ரோஹித் சர்மா சதம் அடித்து அணியை வெற்றிக்கு அழைத்துச் சென்றார். இந்த போட்டி நடந்த மைதானத்தில் பேட்டிங் செய்ய எளிதான சூழ்நிலை நிலவியது. இந்திய அணி 45வது ஓவரிலேயே இலக்கை எட்டி வெற்றி பெற்றது. இங்கிலாந்து அணி 350 ரன்கள் வரை எடுத்து இருந்தால் இந்திய அணிக்கு அழுத்தம் கொடுத்து இருக்கலாம்