முக்கிய இடத்தில் கோட்டை விட்ட ஷமி.. 5 விக்கெட் எடுத்து ஒரு புண்ணியமும் இல்லை!

இங்கிலாந்து அதிரடி பேட்டிங்

இந்தப் போட்டியில் இங்கிலாந்து அதிரடியாக பேட்டிங் செய்தது. துவக்க வீரர்கள் அதிரடியை துவக்கி வைத்தனர் அவர்களை தொடர்ந்து பென் ஸ்டோக்ஸ்-உம அதிரடியாக ரன் குவித்தார். இங்கிலாந்து அணி 50 ஓவர்களில் 7 விக்கெட்கள் இழந்து 337 ரன்கள் குவித்தது.

ஷமி 5 விக்கெட்

இங்கிலாந்து அணி இழந்த 7 விக்கெட்களில் 5 விக்கெட்களை வீழ்த்தியது முகமது ஷமி. அவர் 5 விக்கெட்கள் வீழ்த்தி விட்டாரே என நம்மால் பாராட்ட முடியவில்லை. இத்தனைக்கும் ஷமி வீழ்த்திய 5 பேட்ஸ்மேன்களுமே அதிரடி வீரர்கள் தான்.

அதிக ரன்கள்

அதற்கு முக்கிய காரணம், ஷமி அதிக ரன்களை வாரி இறைத்தார். 10 ஓவர்களில் 1 மெய்டன் ஓவர் வீசிய ஷமி 69 ரன்கள் கொடுத்து 5 விக்கெட்கள் வீழ்த்தினார். வேகப் பந்துவீச்சாளர்களில் அதிக ரன்கள் கொடுத்தவர் ஷமி தான்.

பும்ரா அசத்தல்

இந்தப் போட்டியில் பும்ரா மட்டுமே இந்திய அணியில் அசத்தலாக பந்து வீசினார். அவர் 10 ஓவர்களில் 44 ரன்கள் மட்டுமே கொடுத்து 1 விக்கெட் வீழ்த்தினார். மற்றொரு வேகப் பந்துவீச்சாளர் ஹர்திக் பண்டியா 10 ஓவர்களில் 60 ரன்கள் கொடுத்தார். சுழற் பந்துவீச்சாளர்கள் குல்தீப் யாதவ் 72 ரன்கள் கொடுத்தும், சாஹல் 88 ரன்கள் கொடுத்தும் இருவருமே ரன்களை வாரி இறைத்தனர்.

பயன்

ஷமி எடுத்த 5 விக்கெட்கள் எடுக்காமல் போயிருந்தாலும் இங்கிலாந்து அணி இதே அளவு ரன்களை தான் எட்டி இருக்கும். கடைசி சில ஓவர்களில் ஷமி விக்கெட் எடுத்த போதும், அந்த ஓவர்களில் ரன் எடுப்பது குறையவில்லை. ஆக ஷமி 5 விக்கெட்கள் எடுத்து சாதனை புரிந்தாலும், அது அணிக்கு பெரிய அளவில் பயன் தரவில்லை.