IND vs ENG: என்ன செய்ற நீ! மோசமான ரன் அவுட்டில் சிக்கிய இசான் கிஷன்..நம்பர் 1 ஆன பிறகு ஏற்பட்ட சோகம்

துர்ஹாம்: இங்கிலாந்து அணிக்கு எதிரான முதல் டி20 போட்டியில், செஸ்டர்-லீ-ஸ்ட்ரீட்டில் உள்ள ரிவர்சைடு மைதானத்தில் உலகின் முதல் நிலை பேட்டரான இசான் கிஷன் ஒரு மோசமான ரன் அவுட்டில் சிக்கினார். , இந்திய அணியின் விக்கெட் கீப்பர்-பேட்ஸ்மேன் இஷான் கிஷான், சக தொடக்க ஆட்டக்காரர் அபிஷேக் சர்மாவுடன் ஏற்பட்ட குழப்பம் காரணமாக 0 ரன்னில் ரன் அவுட் ஆகி வெளியேறினார்.

இந்தப்போட்டியில் டாஸ் வென்ற இந்திய கேப்டன் ஸ்ரேயாஸ் ஐயர் முதலில் பேட்டிங் செய்ய தீர்மானித்தார். எனினும், இரண்டாவது ஓவரிலேயே சாகிப் மஹ்மூத் பந்துவீச்சில் சஞ்சு சாம்சன் ஆட்டமிழந்ததால் இந்திய அணிக்கு ஆரம்பத்திலேயே பெரும் பின்னடைவு ஏற்பட்டது.

சாம்சனின் விக்கெட்டுக்குப் பிறகு இஷான் கிஷான் களமிறங்கினார். ஆனால், அவரால் அந்த ஓவரைச் சரியாகப் பயன்படுத்தி ரன் கணக்கைத் தொடங்க இயலவில்லை. அதே ஓவரின் கடைசி பந்திலேயே அவர் ஆட்டமிழந்தார். மிட்-ஆன் திசையில் பந்தைத் தட்டிவிட்டு ஒரு ரன் எடுக்க கிஷான் வேகமாக ஓடினார். அவர் பிட்ச்சின் பாதி தூரத்தைக் கடந்த நிலையில், மறுமுனையில் இருந்த அபிஷேக் சர்மா ரன் ஓட ஆர்வம் காட்டாமல், கிஷானை மீண்டும் கிரீஸிற்குத் திரும்புமாறு சைகை காட்டினார்.

IND vs ENG: உலகிலேயே முதல் வீரர்.. அபிஷேக் சர்மா மாபெரும் சாதனை.. முழு விவரம்

ரன் ஓடுவதில் முழுமையாகத் தீவிரமாக இருந்த கிஷான், எப்படியும் கிரீஸை எட்டிவிடும் முயற்சியில் ஒரு பெரிய டைவ் அடித்தார். இருப்பினும், ஜோஸ் பட்லரின் அதிவேகமாக செயல்பட்டு கிஷான் ரன் அவுட் செய்யப்பட்டார். இதனால் அணியின் நட்சத்திர வீரரான இசான் கிஷான் கடும் விரக்தியடைந்தார். மைதானத்தை விட்டு டிரஸ்ஸிங் ரூம் நோக்கிச் செல்லும் வழியில் அவர் தனது கோபத்தை வெளிப்படுத்தினார். இஷான் கிஷான் அடுத்தடுத்த இரண்டு போட்டிகளில் ரன் அவுட் முறையில் ஆட்டமிழப்பது இது இரண்டாவது முறையாகும்.

இரண்டாவது ஓவருக்குள் இந்திய அணி 6 ரன்னில் இரண்டு விக்கெட்டுகளை இழந்த போதிலும், அதிரடியாக விளையாடிய அபிஷேக் சர்மா வெறும் 20 பந்துகளில் தனது அரைசதத்தை நிறைவு செய்தார். அவரும் ஐயரும் சிறப்பாக விளையாடி அணியை சரிவிலிருந்து மீட்டனர்.

முன்னதாக, சக வீரரான அபிஷேக் சர்மாவை முந்தி உலக டி20 பேட்டிங் தரவரிசையில் இஷான் கிஷான் முதலிடத்தைப் பிடித்திருந்தார். இந்த ஆண்டின் தொடக்கத்தில் நடைபெற்ற ஐசிசி ஆடவர் டி20 உலகக் கோப்பை தொடரில், கிட்டத்தட்ட 200 என்ற ஸ்ட்ரைக் ரேட்டுடன் 317 ரன்கள் குவித்து தொடர்ந்து சிறப்பான ஆட்டத்தை வெளிப்படுத்தியதற்காக கிஷானுக்கு இந்த முதலிடம் கிடைத்துள்ளது.

IND vs ENG: கேப்டனாக முதல் அரைசதம்.. ஸ்ரேயாஸ், அபிஷேக் அதிரடியால் இந்தியா பேட்டிங்கில் அபாரம்

இதன் மூலம் அபிஷேக், விராட் கோலி மற்றும் சூர்யகுமார் யாதவ் ஆகியோர் கிளப்பில் இஷான் கிஷானும் இணைந்துள்ளார். சர்வதேச டி20 போட்டிகளுக்கான பேட்டிங் தரவரிசையில் முதலிடத்தைப் பிடித்த நான்காவது இந்திய ஆடவர் கிரிக்கெட் வீரர் என்ற பெருமையையும் அவர் பெற்றுள்ளார்.