IND vs ENG:பாகிஸ்தான் வீரர் அமீர் ஒரு போலி சாமியார்.. இந்தியா குறித்து கணிப்பு அனைத்தும் பொய்-சித்து

மும்பை: டி20 உலகக் கோப்பை அரையிறுதியில் பாகிஸ்தான் வீரர் முகமது அமீரின் கணிப்புகள் தோல்வியடைந்ததை அடுத்து, நவ்ஜோத் சிங் சித்து அவரை போலி சாமியார் என்று வர்ணித்துள்ளார். இந்தியா இறுதிப் போட்டிக்குத் தகுதி பெறாது என்ற அமீரின் கணிப்பு முற்றிலும் தவறியதால், முன்னாள் இந்திய கிரிக்கெட் வீரர் நவ்ஜோத் சிங் சித்து அவரை கிண்டலாக சாடினார்.

ஆரம்பத்தில், இந்தியா சீக்கிரமே வெளியேறும் என்று அமீர் கணித்திருந்தார். மேலும், இறுதிப் போட்டிக்கு தென்னாப்பிரிக்காவும் மேற்கிந்திய தீவுகளும் தகுதிபெறும் என்றும் கூறியிருந்தார். ஆனால், தென்னாப்பிரிக்கா நியூசிலாந்திடம் அரையிறுதியில் தோற்றது. இதன் மூலம், அமீரின் முதல் கணிப்பும் பொய்த்துப் போனது.

அமீரின் கணிப்புகளை "போலி" என்று முத்திரை குத்தி, சித்து சமூக வலைத்தளத்தில் அவரை கேலி செய்தார். "நம்மைச் சுற்றி உள்ளவர்களுக்கு போலிக் கணிப்புகள் சொல்லும் ஒரு பெரிய பழக்கம் உண்டு. அது உண்மையானால் சரி. இல்லையென்றால், அதை சாதாரணமாக ஒதுக்கி விடுவார்கள்," என சித்து தனது இன்ஸ்டாகிராம் பதிவில் குறிப்பிட்டிருந்தார்.

IND vs ENG: ஆட்டத்தையே மாற்றிய கேட்ச்..அக்சர் பட்டேல்- சிவம் துபே ஜோடி இணைந்து விதியை மாற்றிய தருணம்

தொடர்ந்து பேசிய சித்து, "அவர்கள் சில ஞானிகளைப் போலவே செயல்படுகிறார்கள். இவர்களைப் போன்றோர் வெறும் போலி பாபாக்கள். முதலில், இந்தியா தகுதி பெறாது, அரையிறுதிக்குக் கூட வராது என்றார்கள். ஆனால், சஞ்சு சாம்சன் மீண்டும் களமிறங்கியதும், மேற்கிந்திய தீவுகள் மற்றும் தென்னாப்பிரிக்கா போன்ற அணிகள் வெளியேற்றப்பட்டன."

"இன்று இங்கிலாந்து அரையிறுதியை வெல்லும் என்று சொன்னார்கள், இங்கிலாந்தும் வெளியேற்றப்பட்டது," என்று சித்து சுட்டிக்காட்டினார். இந்தியாவின் அரையிறுதிக்கு முன்னர், அமீர் இங்கிலாந்து வெற்றி பெறும் என்று ஆதரவு தெரிவித்திருந்தார். சஞ்சு சாம்சன் 42 பந்துகளில் 89 ரன்கள் குவித்து, இந்தியா 7 விக்கெட் இழப்பிற்கு 253 ரன்கள் குவித்து அசத்தியது.

இங்கிலாந்து அணி 20 ஓவர்களில் 7 விக்கெட்டுகளை இழந்து 246 ரன்கள் மட்டுமே எடுத்து தோல்வியடைந்தது. இந்தியாவின் வெற்றியின் பின்னர், அமீர் தனது முந்தைய கணிப்பை நியாயப்படுத்தினார். இது குறித்து பேசிய அமீர், "இந்தியா முழுமையான கிரிக்கெட்டை ஆடியது. ஃபார்மில் இருந்த சஞ்சு சாம்சன் போன்ற ஒரு வீரரின் கேட்சை இங்கிலாந்து கைவிட்டதற்கு நான் பொறுப்பல்ல. இரண்டு அணிகளுக்கும் இடையே இருந்த முக்கிய வேறுபாடு ஃபில்டிங்கும், ஜஸ்பிரித் பும்ராவின் அபாரமான பந்துவீச்சும்தான்."

IND vs ENG: 30 ரன்கள் இருந்தால், கடைசி ஓவரை நானே வீசி இருப்பேன்..இங்கி. தவறு செய்தது- சேவாக் கிண்டல்

"நான் கிரிக்கெட் பற்றித்தான் பேசுகிறேன். இத்தொடரிலேயே இந்தியா மிகவும் சிறப்பாகவும், முழுமையாகவும் இந்த ஆட்டத்தில் விளையாடியது. பாராட்டப்பட வேண்டியதற்குப் பாராட்டு கொடுத்தே ஆக வேண்டும். நான் ஒரு நல்ல கணிப்பு செய்தேன், ஆனால் கேட்ச் விடுவது என் கைகளில் இல்லை." என்று கூறி சமாளித்தார்.