IND vs ENG: கேப்டன் ஸ்ரேயாஸ் ஐயருக்கு முன்னாள் சிஎஸ்கே வீரர் தந்த எச்சரிக்கை

மும்பை: இங்கிலாந்து அணிக்கு எதிரான ஐந்து போட்டிகள் கொண்ட டி20 தொடரில், ஸ்ரேயாஸ் ஐயர் கேப்டனாக தனது திறமையை நிரூபித்தாலும், ஒரு பேட்ஸ்மேனாக அவர் தன்னை நிரூபிக்க வேண்டிய கட்டாயத்தில் உள்ளார் என்றும், அவருக்கு பல சவால்கள் காத்திருக்கின்றன என்றும் இந்திய அணியின் முன்னாள் வீரர் சேதேஷ்வர் புஜாரா எச்சரித்துள்ளார்.

ஸ்ரேயாஸ் ஐயர் தனது கேப்டன்சி பயணத்தை நெருக்கடியுடன் தொடங்கியுள்ளார். கேப்டனாக விளையாடிய முதல் இரண்டு போட்டிகளிலும் தோல்வியைச் சந்தித்ததுடன், 4-வது வரிசையில் களமிறங்கி ரன் குவிக்க முடியாமல் திணறினார். சூர்யகுமார் யாதவிற்கு பதிலாக நடுத்தர வரிசையில் களம் கண்ட அவர், இரண்டு போட்டிகளில் சேர்த்து வெறும் 13 ரன்கள் மட்டுமே எடுத்தார். இது இங்கிலாந்துக்கு எதிரான முக்கிய தொடருக்கு முன்னதாக அவருக்கு பெரும் பின்னடைவாக அமைந்துள்ளது.

முன்னதாக, ஆப்கானிஸ்தானுக்கு எதிராக உள்நாட்டில் நடைபெற்ற ஒருநாள் தொடரிலும் ஸ்ரேயாஸ் ஐயர் சுமாரான ஆட்டத்தையே வெளிப்படுத்தினார். தர்மசாலா மற்றும் லக்னோவில் நடைபெற்ற போட்டிகளில் முறையே 12 மற்றும் 26 ரன்கள் மட்டுமே எடுத்தார். சென்னையில் நடைபெற்ற இறுதிப் போட்டியில் 3-வது வரிசைக்கு மாற்றப்பட்ட அவர், 20 ரன்களுடன் ஆட்டமிழக்காமல் இருந்தார்.

IND vs ENG: வைபவ் சூர்யவன்ஷி தொடர்பான கேள்வி.. என் கைகள் கட்டப்பட்டு இருப்பதாக ஸ்ரேயாஸ் ஐயர் பேச்சு

இது குறித்து பேசிய புஜாரா "ஸ்ரேயாஸ் ஐயரின் கேப்டன்சி திறமை மீது எனக்கு எந்த சந்தேகமும் இல்லை. ஆனால், ஒரு பேட்ஸ்மேனாக அவர் பெரும் சவால்களை எதிர்கொள்ள நேரிடும், மேலும் அவர் பேட்டிங்கில் தன் திறமையை நிரூபிக்க வேண்டும். ஐபிஎல் தொடரில் பஞ்சாப் அணிக்காக கேப்டனாக அவர் சிறப்பாக செயல்பட்டதால்தான் அவருக்கு இந்த வாய்ப்பு வழங்கப்பட்டுள்ளது," என்று தெரிவித்துள்ளார்.

"அவர் இந்த அணியில் ஒரு சிறந்த அனுபவம் வாய்ந்த வீரர் மற்றும் சிறப்பு மிக்க கேப்டன். அவர் அணியை முன்னின்று வழிநடத்துவதோடு, சக வீரர்களுக்கு முழு சுதந்திரத்தையும் வழங்குகிறார்" என்றும் புஜாரா கூறினார்.

தொடர்ச்சியாக இரண்டாவது தொடரை இழக்க இந்திய ரசிகர்கள் நிச்சயமாக விரும்பமாட்டார்கள். ஆனால், இங்கிலாந்து அணியில் கேப்டன் ஹாரி புரூக், ஜோஸ் பட்லர், ஜோர்டான் காக்ஸ், ஜேக்கப் பெத்தேல், வில் ஜாக்ஸ், பில் சால்ட் மற்றும் டாம் பான்டன் போன்ற வலிமைமிக்க பேட்ஸ்மேன்கள் உள்ளனர்.

அயர்லாந்துக்கு எதிரான இரண்டு டி20 போட்டிகளிலும், தொடக்கத்தில் ஆதிக்கம் செலுத்திய போதிலும், நடு ஓவர்களில் ரன்களை கட்டுப்படுத்த முடியாமல் இந்திய பந்துவீச்சாளர்கள் திணறினர். இங்கிலாந்துக்கு எதிரான போட்டிகளிலும் இதே தவறு தொடர்ந்தால், பலம் வாய்ந்த இங்கிலாந்து பேட்ஸ்மேன்கள் அதனை தங்களுக்கு சாதகமாக பயன்படுத்திக் கொள்வார்கள்.

IND vs ENG: முதல் டி20-யில் மழை பாதிக்குமா? ஆடுகளம் எப்படி இருக்கும்? டாஸ் வென்றால் என்ன செய்யனும்?

எனவே, இந்திய பந்துவீச்சு குழுவிடமிருந்து மிகவும் நேர்த்தியான ஆட்டம் தேவைப்படுகிறது. குறிப்பாக, இதுவரை பெரிய அளவில் தாக்கத்தை ஏற்படுத்தாத அக்ஷர் படேல், சூர்யான்ஷ் ஷெட்ஜ் மற்றும் வாஷிங்டன் சுந்தர் போன்ற ஸ்பின்னர்கள் தங்களது சிறப்பான பங்களிப்பை அளிக்க வேண்டிய கட்டாயத்தில் உள்ளனர்.