“இந்தியா தோற்றது ஏன்னா அயர்லாந்து மைதானத்தின் அமைப்பு சரியில்லை”.. கேப்டன் ஸ்ரேயாஸ் ஐயர் பேச்சு

லண்டன்: அயர்லாந்துக்கு எதிரான டி20 கிரிக்கெட் தொடரில் இந்திய அணி வரலாற்றுத் தோல்வியைச் சந்தித்ததற்கு, அங்குள்ள மைதானத்தின் மோசமான கட்டமைப்பு மற்றும் சரிவான வெளிவட்டப் பகுதியே (அவுட்ஃபீல்டு) முக்கியக் காரணம் என்று இந்திய கேப்டன் ஸ்ரேயாஸ் ஐயர் தெரிவித்துள்ளார்.
அயர்லாந்து சுற்றுப்பயணத்தில் விளையாடிய 2 போட்டிகள் கொண்ட டி20 தொடரை 0-2 என்ற கணக்கில் இந்திய அணி பறிகொடுத்து அதிர்ச்சியளித்தது. முதல் போட்டியில் 34 ரன்கள் வித்தியாசத்திலும், இரண்டாவது போட்டியில் 1 ரன் வித்தியாசத்திலும் இந்தியா தோற்றது. இது 2023-ஆம் ஆண்டிற்குப் பிறகு இந்திய அணி சந்தித்த முதல் இருதரப்பு டி20 தொடர் தோல்வியாகும்.

அயர்லாந்து தொடரின் தோல்வி குறித்துப் பேசிய கேப்டன் ஸ்ரேயாஸ் ஐயர், "பெல்ஃபாஸ்ட் மைதானத்தின் கட்டமைப்பு முற்றிலும் வித்தியாசமாக இருந்தது. அது ஒரு முறையான சர்வதேச மைதானத்தின் அவுட்ஃபீல்டு போல இல்லை. மைதானத்தில் சரிவு இருந்ததுடன், தரைப்பகுதியும் சமமாக இல்லை. மைதானத்தின் திசைகளும் வித்தியாசமாக இருந்ததால், ஃபீல்டிங் செய்யும்போது பவுண்டரிகளைத் தடுப்பது கடினமாக இருந்தது. ஐபிஎல் தொடரில் அனைத்து மைதானங்களும் அனைத்து திசைகளிலும் சமமாகவும், தட்டையாகவும் இருக்கும். ஆனால் பெல்ஃபாஸ்டில் ஃபீல்டிங் அமைப்பது ஒரு கேப்டனாக எனக்கு மிகவும் சவாலான காரியமாக இருந்தது" என்று கூறினார்.

இங்கிலாந்துக்கு எதிராக இன்று (ஜூலை 1) தொடங்கவுள்ள 5 போட்டிகள் கொண்ட டி20 தொடரில் இந்த நிலை மாறும் என்று ஸ்ரேயாஸ் ஐயர் நம்பிக்கை தெரிவித்துள்ளார். "இங்கிலாந்தில் உள்ள மைதானங்கள் தட்டையாகவும், சமமாகவும் இருக்கும். இத்தகைய சூழ்நிலைகளில் நாங்கள் ஏற்கனவே விளையாடிப் பழகியுள்ளோம். இங்கு ரசிகர்கள் கூட்டம் அதிகமாக இருக்கும் என்பதால் சிறந்த ஆட்டத்தை வெளிப்படுத்தத் தயாராக உள்ளோம்" என்று அவர் மேலும் கூறினார்.

IND vs ENG: முதல் டி20 போட்டிக்கான பிளேயிங் லெவனை அறிவித்த இங்கிலாந்து அணி.. முக்கிய பவுலர் நீக்கம்

இந்தியா - இங்கிலாந்து அணிகளுக்கு இடையிலான முதல் டி20 போட்டி இன்று (ஜூலை 1) செஸ்டர்-லீ-ஸ்ட்ரீட் மைதானத்தில் நடைபெறவுள்ளது. அயர்லாந்துக்கு எதிரான தொடரில் சொதப்பிய இந்திய பேட்டிங் வரிசை, இங்கிலாந்துக்கு எதிராக எவ்வாறு மீண்டு வரப்போகிறது என்பதைப் பார்க்க ரசிகர்கள் ஆவலாக உள்ளனர்.