IND vs NZ:இந்தியாவுக்கு எதிராக வரலாற்று சிறப்புமிக்க சாதனை..நியூசிலாந்து வீரர் டேரல் மிட்செல் அபாரம்

ராஜ்கோட்: நியூசிலாந்து கிரிக்கெட் அணியின் நட்சத்திர வீரரான இந்திய அணிக்கு எதிராக மூன்று சதங்கள் அடித்த முதல் நியூசிலாந்து பேட்ஸ்மேன் என்ற வரலாற்றுச் சாதனையை படைத்துள்ளார். 34 வயதான மிட்செல், இந்த புதிய மைல்கல்லை எட்டி கிரிக்கெட் உலகை வியப்பில் ஆழ்த்தியுள்ளார்.

ராஜ்கோட்டில் நடைபெற்ற போட்டியில், மைக்கேல் பிரேஸ்வெல் தலைமையிலான அணியின் 285 ரன்கள் சேஸிங்கின் போது மிட்செல் இந்த சாதனையை நிகழ்த்தினார். தனது ஏழாவது இந்திய மண்ணில் ஆடிய இந்தியாவிற்கு எதிரான ஒருநாள் போட்டியில், அவர் 96 பந்துகளில் 100 ரன்களை எட்டினார். ஹாமில்டனைச் சேர்ந்த இந்த வலதுகை பேட்ஸ்மேன், நியூசிலாந்தின் உலகத் தரவரிசையில் இரண்டாம் நிலை ஒருநாள் வீரராகத் திகழ்கிறார். இவர் கடந்த கால ஐபிஎல் சீசனில் சிஎஸ்கே அணிக்காகவும் விளையாடியுள்ளார்.

ஹர்ஷித் ராணா வீசிய 42வது ஓவரின் முதல் பந்தில் ஒரு ரன் அடித்து தனது சதத்தை பூர்த்தி செய்தார் மிட்செல். இப்போட்டியில் அவர் இதுவரை 7 பவுண்டரிகள் மற்றும் 2 சிக்ஸர்களை விளாசியுள்ளார். இதன் மூலம் தனது அபாரமான ஃபார்மை மீண்டும் ஒருமுறை நிரூபித்துள்ளார்.

இந்தியாவில் நடைபெற்ற ICC ஆடவர் ஒருநாள் உலகக் கோப்பை 2023 தொடரின் போது, மிட்செல் தனது முதல் இரண்டு ஒருநாள் சதங்களை இந்திய அணிக்கு எதிராக பதிவு செய்தார். அக்டோபர் 22 அன்று தர்மசாலாவில் நடந்த லீக் போட்டியில் 127 பந்துகளில் 130 ரன்களும், நவம்பர் 15, 2023 அன்று மும்பை வான்கடே ஸ்டேடியத்தில் நடந்த அரையிறுதிப் போட்டியில் 119 பந்துகளில் 134 ரன்களும் குவித்தார்.

இந்திய மண்ணில் இந்திய அணிக்கு எதிராக அதிக ஒருநாள் சதங்கள் அடித்த நியூசிலாந்து பேட்ஸ்மேன்கள் பட்டியலில், டேரில் மிட்செல் தற்போது முதலிடத்தில் உள்ளார். நாதன் ஆஸ்டில் 11 போட்டிகளில் 2 சதங்களுடன் இரண்டாவது இடத்தில் உள்ளார். மைக்கேல் பிரேஸ்வெல், கிறிஸ் கெய்ர்ன்ஸ், டெவோன் கான்வே, மார்ட்டின் க்ரோவ், டாம் லேதம், கென் ரூதர்போர்ட் மற்றும் கேன் வில்லியம்சன் ஆகியோர் தலா ஒரு சதம் அடித்துள்ளனர்.

இந்திய மண்ணில் இந்திய அணிக்கு எதிராக அதிக ஒருநாள் சதங்கள் அடித்த வெளிநாட்டு பேட்ஸ்மேன்கள் பட்டியலில், டேரில் மிட்செல் தற்போது இரண்டாவது இடத்தில் உள்ளார். தென்னாப்பிரிக்காவின் ஏபி டி வில்லியர்ஸ் 11 ஒருநாள் போட்டிகளில் ஐந்து சதங்கள் அடித்து முதலிடத்தில் இருக்கிறார். மிட்செல் (7 போட்டிகள், 3 சதங்கள்) இந்த பட்டியலில் குவின்டன் டி காக், சல்மான் பட், கிறிஸ் கெய்ல், ரிக்கி பாண்டிங் மற்றும் மார்லன் சாமுவேல்ஸ் ஆகியோருடன் இணைந்து இரண்டாவது இடத்தைப் பகிர்ந்துள்ளார்.

பொதுவாகவே, இந்திய மண்ணில் அதிக ஒருநாள் சதங்கள் அடித்த வெளிநாட்டு பேட்ஸ்மேன்கள் பட்டியலில், தென்னாப்பிரிக்காவின் குவின்டன் டி காக் மற்றும் ஏபி டி வில்லியர்ஸ் ஆகியோர் முதலிடத்தில் உள்ளனர். டி காக் 21 ஒருநாள் போட்டிகளில் 7 சதங்கள் அடித்துள்ளார், அதே சமயம் டி வில்லியர்ஸ் 20 போட்டிகளில் 7 சதங்களை விளாசியுள்ளார். இவர்களது சாதனைகள் இந்திய ரசிகர்களால் இன்றும் நினைவு கூறப்படுகின்றன.